Kuda (Equus caballus atawa Equus ferus caballus) adalah salah saikung matan sapuluh spésiés modérn mamalia matan genus Equus. Binatang naya sudah lawas manjadi salah sabuting binatang tarnak nang panting sacara ikunumis, wan sudah maingkuti paranan panting sabagai alat paangkutan urang wan barang baribu-ribu tahun lawasnya.

?Kuda
Dunkelfuchsstute-Ciara16.jpg
Status konservasi
Dijinakkan
Klasifikasi ilmiah
Karajaan: Animalia
Filum: Chordata
Kelas: Mammalia
Ordo: Perissodactyla
Famili: Equidae
Genus: Equus
Spesies: E. caballus
Nama binomial
Equus caballus
Linnaeus, 1758

Kuda kawa ditunggangi ulih manusia lawan mamakai sadil wan kawa jua dipakai gasan manarik sasuatu, kaya kandaraan baruda, atawa bajak. Di sapalihan dairah, kuda jua dipakai sabagai sumbar makanan. Biar patarnakan kuda dikira-kira sudah ada mulai tahun 4500 SM, nang bukti-buktinya pamakai kuda gasan kaparluan manusia hanyar ditamui mulai tajadi pas tahun 2000 SM.

Kuda ba-évolusi sampai manjadi kuda nang kaya wahini, mulai matan parubahan jarinya nang wahini tinggal saikung akibat matan séléksi alam.

Dalam bahasa Jawa disambat jaran, amun bahasa Makassar disambat jarang.

BaratSunting

Kuda-kuda nang ringan, kaya kuda Arab, Morgan, Quarter Horse, Paint wan Thoroughbred baratnya kawa sampai sakitar 590 kg. Kuda nang "barat" atawa kuda baban, kaya misalnya Clydesdale, Draft, Percheron, wan Shire baratnya kawa mancapai sampai 907 kg.

ShioSunting

Kuda tahaga dalam siklus binatang 12 tahun nang muncul di Zodiak Tionghoa nang takait lawan Almanak Tionghoa. Manurut kisah rakyat Tionghoa, masing-masing binatang dihubungakan lawan ciri-ciri kapribadian tatantu, wan buhannya nang lahir di tahun kuda basipat : pintar, mandiri wan bajiwa mardika. Itihi : Kuda (shio)

Asal-usul ngaranSunting

Ngaran "kuda" dalam basa Banjar kamungkinan baasal matan basa Sansekerta yaitu ghoṭa.[1] menurut sapalihan urang, kuda baasal matan Kepulauan Melayu nang didatangakan ba'abad-abad dahulu ulih karajaan Hindu matan barat atawa saudagar matan nagara Pegu wan Cina. Kamungkinan kuda pacuan nang baasal matan Myanmar diimpor ke tanah tinggi Sumatera Utara di mana andaknya luas. Mulai wayah itu, kuda-kuda ngitu dikawinakan lawan kuda Arab nang dibawa masuk ulih padagang-padagang Arab mulai matan tahun 1375.[2]

GambarSunting

Itihi juaSunting

Catatan batisSunting

  1. ^ Marsden, William (1812). A Dictionary of the Malayan Language. Cox and Baylis. hlm. 273. كود kūda, Hind. घोट (ڭهورا ghūra) a horse. 
  2. ^ "The Horses in Malaysia." Article on the history of all horse breeds in the region. Accessed December 8, 2007

RujukanSunting

  • Book of Horses: A Complete Medical Reference Guide for Horses and Foals, dibabak ulih Mordecai Siegal. (Ulih dusin wan stap, Universitas California, Davis, Sakolah Kadokteran Binatang.) Harper Collins, 1996.
  • Illustrated Atlas of Clinical Equine Anatomy and Common Disorders of the Horse, ulih Ronald J. Riegal, D.V.M. wan Susan E. Hakola, B.S., R.N., C.M.I. Equistar Publications, Ltd., 1996.
  • International Commission on Zoological Nomenclature. 2003. Opinion 2027 (Case 3010). Usage of 17 specific names based on wild species which are pre-dated by or contemporary with those based on domestic animals (Lepidoptera, Osteichthyes, Mammalia): conserved. Bull.Zool.Nomencl., 60:81-84.

Tautan luarSunting

Pranala luar gasan olah raga bakudaSunting