Kupi aranio
Kupi aranio adalah kupi istimiwa nang baasal matan tawiringan Pagunungan Meratus, Kabupatin Banjar, Kalimantan Selatan. Katinaran kupi aranio imbah tadangar sampai ka Kuta Martapura wan antangannya, tamasuk Banjarbaru. Tagal, pamintaan matan Kalimantan Tengah wan jua sampai Jakarta ada jua. Marga banyaknya pamintaan, pangusaha wan bubuhan tani kupi aranio tarasa lucut wan masih balum kawa mamasuk pamintaan pasar sahibaknya. Kupi Aranio masih balum mancapai satandar pasar wan balum kawa manambus pasar antarabangsa.[1][2][3] Babarapa paguruan tinggi di Kalimantan Salatan batumat manggarap putinsi kupi aranio ngini, salah sabutingnya adalah UPT Kawirausahaan wan Inkubasi Bisnis, Uniparsitas Islam Kalimantan Muhammad Arsyad Albanjari.[4]
Kupi robusta aranio kawa jua disambat kupi robunio. Kupi ngini dipinandui lawan arumnya nang gancang wan nyaman gasan lambung.[5]
Sajarah
babakPakabunan nang mahasilakan kupi aranio sudah ada matan jaman panjajahan Walanda. Matan panjajahan ngitu jua, bibit kupi nang ditanam wan dibudidayaakan tatap baasal matan sumbar nang sama, jadi manimbulakan rasa kupi aranio nang has.[6] Bapuluh-puluh tahun kabun kupi aranio dibiarakan kaitu haja, sampai ditumbuhi sabat samun. Tagal, hal ngitu baubah matan pamintaan kupi nang babanyak imbah budaya manginum kupi jadi makin rami.[7]
Rujukan
babak- ^ "InfoPublik - Kopi Aranio Desa Tiwingan Baru, Mulai Digemari Penikmat Kopi". infopublik.id (dalam bahasa Inggris). Diakses tanggal 2019-10-21.
- ^ "Angkat Derajat Kopi Aranio Masuk Menu Sajian Utama Café". jejakrekam.com (dalam bahasa Indonesia). Diakses tanggal 2019-10-21.
- ^ "Memajukan UKM, Uniska Dapat Penghargaan ICSB". Warta Niaga (dalam bahasa Indonesia). 2019-09-30. Diakses tanggal 2019-10-21.
- ^ "Sejumlah Perguruan Tinggi Pun Mulai Lirik Kopi Aranio". Banjarmasin Post (dalam bahasa Indonesia). Diakses tanggal 2019-10-21.
- ^ "Cita Rasa Robusta Aranio Lebih Dominan di Kopi Aranio Versi Tim Kopi Uniska Banjarmasin". Banjarmasin Post (dalam bahasa Indonesia). Diakses tanggal 2019-10-21.
- ^ "Kopi Aranio Ditanam Sejak Era Wong Londo". Banjarmasin Post (dalam bahasa Indonesia). Diakses tanggal 2019-10-21.
- ^ "Puluhan Tahun Dibiarkan Mangkrak, Kebun Kopi Aranio Kini Mulai Bergairah". Banjarmasin Post (dalam bahasa Indonesia). Diakses tanggal 2019-10-21.