Majalis Paralimpiada Antarabangsa

Majalis Paralimpiada Antarabangsa (basa Inggris: International Paralympic Committee atawa disingkat IPC; basa Jerman: Internationales Paralympisches Komitee) adalah pahimpunan nirkulih (nirlaba) antarabangsa wan paawakan dunia gasan Garakan Paralimpiada. IPC manyalaggaraakan Paralimpiada (Paralympic Games) wan baguna jadi pasakutuan antarabangsa gasan sanga cikang malumbar urat. Didiriakan wayah 22 Siptimbir 1989 di Düsseldorf, Jerman, tujuan pahimpunan ngini adalah "Gasan mamungkinakan atlit Paralimpiada gasan mancapai kaunggulan malumbar urat, mailhami, wan mambangkitakan dunia". Imbahnya, IPC handak mamasarakan nilai-nilai Paralimpiada wan manciptaakan piluang malumbar urat gasan sabarataan panyandang katawatasan diri, matan tingkat pamula sampai elit.[1]

International Paralympic Committee
Internationales Paralympisches Komitee
Majalis Paralimpiada Antarabangsa
Logo of the International Paralympic Committee 2019.svg
Tanggal pandirian22 Siptimbir 1989 (1989-09-22) (Citakan:Age tahun lalu)
MacamPasabaatan malumbar urat
Kantur pusatBonn, Jerman
Jumlah anggota
176 Majalis Paralimpiada Bangsa
Bahasa resmi
Basa Jerman, wan basa Inggris
wan basa rasmi nagara tuan rumah lamun diparluakan
Parisidin
Bendera Brasil Andrew Parsons
Badal Parisidin
Bendera Selandia Baru Duane Kale
Situs webwww.paralympic.org

IPC baisi undang-undang wan susunan nang dimukratis wan tadiri matan pambadalan matan 176 Majalis Paralimpiada Bangsa (NPC), ampat Pahimpunan Malumbar Urat Antarabangsa gasan Panyandang Katawatasan Diri (IOSD) wan lima pahimpunan dalam nagari. Markas ganal IPC baandak di Bonn, Jerman.

Atas dasar kawa maatur Paralimpiada sacara labih imit (efisien) wan mambariakan Garakan Paralimpiada satu suara, ampat pahimpuanan antarabangsa nang digabungakan di bawah IOSD mandiriakan "Majalis Paampah Antarabangsa Pahimpunan Malumbar Urat Dunia gasan Panyandang Katawatasan Diri" (ICC) wayah tahun 1982. Di tahun-tahun nang dihadap, pahimpuanan-pahimpunan lain bagabung wan kaparluan gasan pahimpunan nang dipandu sacara dimukratis cungul, dituntut ulih nagara-nagara nang umpatan dalam Garakan Paralimpiada. Bubuhannya mahandaku susunan dimukrasi, gasan maningkatakan pambadalan (representasi) bangsa wan dalam nagari, nang maampah lawan landasan IPC kaya nang dipatuh wayah ngini. Paralimpiada Musim Dingin 1994, Norwegia, adalah nang panambaian kali diadaakan ulih IPC.

IPC baguna jadi pahimpunan banaung, nang mambadali sapalih cikang malumbar urat wan katawatasan diri, lain lawan pahimpunan malumbar urat antarabangaa lainnya gasan atlit panyandang katawatasan diri, nang sapalih ganal tawatas lawan sabuting cikang malumbar urat atawa kacacatan.

Kata "Paralimpiada" dibibit matan preposisi Yunani "para" ("di higa" atawa "baimbai") wan "Ulimpiada". Konotasi panambaian nang tahubung lawan suku kata "para" adalah paralisis atawa paraplegia. Tagal, marga Paralimpiade mancakup garumbung-garumbung cacat nang babida wan pasatuan nang parak lawan Garakan Ulimpiada, "para" manggarisbawahi kaandakan kadua garakan ngitu sacara batataian.

Majalis Pamarintahan baanggutaakan lima walas urang mahawasi IPC di antara rapat-rapat Majalis Awam. Robert D. Steadward jadi Parisidin panambaian wayah tahun 1989.[2] Matan 2017, Andrew Parsons adalah Parisidin IPC.

Jumlah atlit wan nagara nang umpatan dalam Paralimpiada wan jadi palihan matan Garakan Paralimpiada sasain maningkat sacara tarus manarus, baimbai lawan jumlah panjanak paturaian ngini. Malumbar urat panyandang katawatasan diri tumbuh di tingkat bangsa wan antarabangsa.[3]

JujuhutanSunting

  1. ^ Blauwet, Cheri; Willick, Stuart E. (2012). "The Paralympic Movement: Using Sports to Promote Health, Disability Rights, and Social Integration for Athletes With Disabilities". PM&R (dalam bahasa Inggris). 4 (11): 851–856. doi:10.1016/j.pmrj.2012.08.015. 
  2. ^ "Former IPC President Dr. Robert Steadward to be Inducted into the Alberta Order of Excellence". Canada News Wire (dalam bahasa Inggris). 7 Oktober 2010. Diakses tanggal 8 Oktober 2010. 
  3. ^ Connolly, Eoin (28 Juni 2018). "IPC president Andrew Parsons on what lies ahead for the Paralympic movement". Sports Pro Media (dalam bahasa Inggris). Diakses tanggal 30 Juni 2018.