Masakan Jerman

Masakan Jerman (basa Jirman: deutsche Küche) bamacam-macam matan wilayah ka wilayah nang lain.^[1]^[2] Wilayah Bayern wan Swabia baisi tradisi masakan nang mirip lawan tatangga buhannya di salatan, Swiss wan Austria. Babi, sapi wan unggas adalah daging utama nang rancak dimakn di Jkrman. Di antara unggas, ayam adalah nang paling rancak, biar bebek, angsa wan kalkun juga dimakan.

Masakan Jirman baisi banyak macam asli nang sudah baadaptasi lawan tren kasihatan mudirin wan citarasa buhan imigran.^[1] Masakan Jerman dipinandui lawan produk susu, keju, sosis (Wurst), wadai-wadai, pangsit lawan bamacam jenis produk minuman bir, anggur, minuman distilasi nang kaya Hacker-Pschorr wan Lowenbrau (bir), Asbach Uralt (brandy), Joseph Freiderich (anggur), wan Fuerst Metternich Sekt (sampanye).^[2]^[3] Variasi masakan mudirin Jkrman (neue Küche) dipangaruhi jua ulih masakan luar. Urang-urang matam Turki wan Italia nang datang sabagai imigran, manambahi rasa wan macam kuliner Jirman lawan masakan khas nagara buhannya masing-masing.

Banyak macam masakan Jirman diulah mulai ratusan tahun dahulu gasan manangati bahan makanan supaya kada buruk.^[3] Cuntuhnya adalah Sauerkraut, nang diulah matam kol nang difermentasi. Gasan maawetakan daging, urang Jirman marandam daging tadi dalam cuka wan rarampah, nang kaya Sauerbraten.

Bahan

Sayuran wan buah-buahan

Bamacam janis tanaman pangan diulah di Jirman, nang diantaranya kaya hop (produsen paling ganal kadua di dunia), tebu, barley, gandum, kantang, oat, wan rye.^[1] Kol wan wortel marupakan bahan sayuran nang paling penting. Buah-buahan nang diputik musiman nang kaya apel, pir, currant, stroberi, wan raspberi.

Daging

Bratwurst lawan sauerkraut wan kantang.

Salah sabuting ulahan daging nang paling banyak dihasilkan ulih Jirman adalah sosis.^[4] Tadapat labih matan 1500 macam sosis matan samunyaan Jirman nang tardiri matam janis sosis segar (Rohwurst), sosis bajarang (Brühwurst), sosis masak (Kochwurst) wan ham. Dipinandui pas tahun 2002 urang Jirman rata-rata mamakan 82,1 kg daging dalam satahun.^[5]

Wurst

Wurst atawa sosis khas Jirman, marupakan janis makanan favorit babuhan Jirman nang sudah ada mulan zaman bahari. Satiap dairah maulah macam Wurst khas lawan mamakai cara nang turun-temurun.^[4] Jenis sosis nang rancak dimakan antara lain Bratwurst khas Nürnberg, Wurst nang diulah matam daging babi banumbu, Rotwurst matan Thüringen, Weisswurst mstan München, lawan ham khas Bayern. Urang Jirman biasanya mamakan Wurst lawan roti wan olesan moster. Biar sosis asal Frankfurt disambat jua lawan ngaran Frankfurter, tapi di Amirika Sarikat wan Jirman dingatani Wienerwurst (Sosis Wina) wan di Austria sorang haja dingarani Frankfurter. Macam-macam sosis nang tarkanal antara lain:

Nama sosis	Keterangan	Asal
Bratwurst	Dibuat dari daging babi cincang yang dibumbui	Nürnberg
Weisswurst (sosis putih)	Dibuat dari campuran daging sapi muda, otak dan limpa	Bayern
Bauernwurst (sosis petani)	Dibuat dari daging sapi atau babi dengan bumbu dan rempah-rempah	Frankfurt
Knackwurst	Campuran daging sapi, babi yang dicacah dan bawang putih	Frankfurt
Leberwurst (sosis hati)	Dibuat dari hati yang dibumbui	Hesse
Rinderwurst (sosis daging sapi)	Dibuat dari daging sapi	Westfalen

Keju

Rakyat Jerman mahasilkan sabanyak 150 macam keju nang kaya Limburger, Munster, wan Tilsiter nang dingarani matam asal daerah nang maulahnya.^[6] Biat kaya ngitu, keju Jirman kada tapi dipinandui gara-gara sapalihan ganal maumpati keju-keju nagara Irupa lain.^[7]

Wadai

Urang Jirman baisi banyak resep gasan maulah wadai-wadai tradisional.^[8]^[9] Tradisi buhannya yaitu mamakan wadai lawan minuman kupi atawa teh sudah salawas ba'abad-abad nang lalu, tapi hanyar pas tahun 1800-an, tradisi ngini bakambang banar pas gula murah nang diulah matan bit gula dijual di pasaran. Satiap dairah di Jerman baulah resep wadainya masing-masing lawan kumbinasi rempah-rempah. Wada-wadai banyak disajiakan pas hari Natal haratan toko-toko wadai hibak lawan bamacam jenis wadai-wadai nang nyaman wan manarik. Contohnya, wilayah Thüringen, Bremen, wan Sachsen (Niedersachsen/Sachsen Bawah-Sachsen-Sachsen-Anhalt), baisi wadai "Dresdner Stollen" (bolu nang ditaburi gula), "Lebkuchen" (roti jahe), "Welfenspeise" (dessert rasa vanilla nang diulah matan anggur), wan sapalihan lainnya^[1] Wadai khas Jerman nang nang paling tarkanal lainnya adalah Pretzel.

Aktivitas makan

Makanan khas Bayern

Camilan imbah habis makanan khas Berlin

Sajian masakan urang Jerman tabagi jadi 2 sampai 7 bagian.^[1] Umumnya tadiri atas makanan pembuka atawa appetizer (Vorspeise), sup (Suppe), makanan utama (Hauptspeise) lawan sabuting atawa dua lauk nang disurung haratan mantah atawa dimasak (Beilagen). Makanan ringan imbah bamamakan makanan utama dingarani Nachpeise. Minumannya adalah bir, anggur, atawa Sekt (sajanis sampanye). Lain pada ngitu, urang anum atawa tuha katuju jua lawan Radler (bir nang dicampuri lawan jus lemon atawa apel) atawa Limo (air manis mang dicampurakam lawan sari lemon).

Urang Jirman biasanya makan makanan utama haratan makan siang lawan iwak daging sapi anum, daging babi, daging sapi, atawa daging ayam lawan sayur-mayur nang kaya bit gula, wortel, kentang, bawang lawan lobak.^[3] Sarapan biasanya tardiri matan roll lawan selai lawan minuman kupi atawa susu. Makan malam biasanya disuringi masakan ringan nang kaya ruti, keju wan sosis lawan minuman bir atawa anggur. Anggur wan bir Jirman dipinandui baisi kualitas nang tinggi.

Urang Jirman katuju jua maminum kopi matan masin paulahan kupi utumatis wan manyurungakan Torte atawa Kuchen (wadai-wadai).^[1] Buhannya rancak manyurungnya gasan tamu nang datang baelang. Kupi Jirman baisi kadar kafein nang tarandah dibanding kupi Austria wan kupi Italia. Buhannya manyambatnya Bluemchenkaffee ("kupi kambang halus") nang baasal matan masa paparangan, pas haratan minuman kupi diganti lawan minuman akar chicory, nang baisi kambang halus bawarna biru.

Kula Jirman biasanya mahabisakan waktu tang hari, tautama hari Ahad lawan maminum kupi wan mamakan wadai.^[3] Tradisi ngini dingarani lawan Kaffeeundkuchen atawa kupi wan wadai. Pas waktu ngini babuhan Jirman basantai sambil bapandiran jadinya tradisi ngini dingarani jua Kaffeklatsch atawa gusip kopi. Macam wadai nang disurungakan biasanya adalah wadai matan resep tradisional nang kaya Teilchen atawa Stückchen, Kaffestückchen (mignardise), Gebäckstückchen (petit-fours), Plunderstücke (puff pastry), Kalte Schnauze (cold snout), Kalter Hund (cold dog) wan sabagainya.

Masakan daerah

Schwarzwälder Kirschtorte, wadai Black Forest.

Masakan babuhan Jirman bamacam-macam banar badasarkan dairahnya, hasil bumi, lawan citarasa urang Jirman nang hanyar hidup dalam reunifikasi.^[1]^[2] Dairah-dairah nang kaya Nordrhein Westfalen, Rheinland-Pfalz, Saarland wan Baden-Württemberg baisi paroduk-paroduk makanan nang diulah matan wilayah Black Forest wan Sungai Rhein, lawan industri minuman anggur nang babatasan lawan nagara Bilgia, Parancis wan Swiss. Masakan-masakan nang tarkanal matan wilayah ngini cuntuhnya Badener Schneckensuepple (sup likat nang baisi siput wan herba), Schwarzwalder Kirschtorte" (wadai Black Forest), wan Rheinischer Sauerbraten (sapi panggang nang dijarang lawan anggur).

Bayern dan Hessen

Leberkäse

Dairah Bayern (Bavaria) wan Hessen baisi tradisi kuliner lawan paroduk-paroduk bir, daging wan susu, antara lain Spannferkel (babi panggang anum), Handkaes (keju babau khas nang diulah matan krim asam) wan Schwaebische Kasespaetzle (pangsit nang dilapisi mantega wan keju).^[1] Dairah Franconia di Bavaria baisi masakan Leberkäse (ham campuran daging babi cincang, daging sapi wan hati dingin), Knödel (pangsit atawa roti celup), Haxen (kaki babi atawa sapi muda, biasanya dimakan lawan sauerkraut), Rostbratwürste (sosis jari halus), Leberknödel (pangsit hati ganal lawan kaldu baning) wan Schweinwurst mit Kraut (sosis babi lawan sauerkraut).^[2]

Baden-Württemberg

Di dairah salatan, sekitar Stuttgart, terdapat masakan Schneckensuppe (masakan sup siput), Spätzle (pasta nang diulah matan telur), Maultaschen (ravioli nang diisi'i lawan daging bacancang, bayam wan utak sapi anum).^[2] Masakan nang paling tarkanal kamungkinan Geschnetzeltes (tatakan daging sapi anim dalam saus krim). Warga Stuttgart baisi masakan Gaisburger Marsch, sup jarangan daging sapi. Masakan lainnya adalah Rostbraten, masakan daging sapi nang disurungakan lawan sauerkraut atawa Linsen mit Saiten, jarangan miju-miju lawan sosis.

Sachsen wan Thüringen

Quarkkeulchen

Sachsen wan Thüringen di daerah subalah timur Jerman, masakan khasnya antara lain Linsensuppe mit Thüringer Rotwurst (sup miju-miju lawan sosis khas Thuringia), Rinderzunge (ilat sapi anum) lawan saus anggur.^[2] Kartoffelsuppe (sup kantang) adalah jenis nang paling dikatujui buhan wilayah ngini lawan jenis masakan pambuka, Quarkkeulchen, nang diulah matan dadih, kantang bajarang, galapung, gula wan kismis, imbahtu dibari kayu manis wan saus apel. Satiap kota baisi jua masakan khas, cuntuhnya Leipzig, baisi Leipziger Allerlei, campuran wortel, buncis, asparagus, kambang kol, jamur, crayfish (janis lobster banyu tawar), buntut sapi, daging sapi anum wan pangsit.

Barat laut wan utara

Rote Grütze

Masakan dairah barat laut wan utara, yakni di nagara-nagara bagian Schleswig-Holstein, Hamburg, Mecklenburg-Vorpommern, Brandenburg wan Berlin, babatasan lawan Laut Baltik wan Laut Utara.^[1] Kawasan ngini dipinandui baisi banyak macam rarampah wan dipangaruhi masakan nagara-nagara Skandinavia wan Irupa Timur. Masakan nang tarkanalnya nang kaya Rote Grütze (sup buah), Sauerfleisch (sup daging lawan gelatin ikan), Bulletten (bakso daging), Helgolander Krabbensalat (salad undang Helgoland), wan Soeier (intalu acar).

Niedersachsen wan Schleswig-Holstein

Rollmops

Khusus gasan dairah Niedersachsen wan Schleswig-Holstein (Jirman barat laut), lawan paruduk wan hasil lautnya baisi masakan khas antara lain Aalsuppe, sup walut asam manis nang dibari bacon, sayuran, wan kadang disurungakan lawan buah pir, persik atawa buah nang lain.^[2]

Labskaus, adalah janis masakan nang dikatujui ulih buhan palaut, nang diulah matam campuran daging babi, herring masin, wan daging sapi, lawan kantang wan bit gula. Masakan ngini dibari tambahan intalu goreng wan bilungka sabagai makanan sampingan.^[2]
Bruntes Huhn, adalah daging sapi masin lawan tatakan sayur-sayuran.
Rollmops adalah janis masakan nang diulah matan herring acar nang digulung lawan krim asam.
Finkenwerder Scholle, masakan iwak plaice (iwak lepeh) nang dimakan mantah ataw dipanggang lawan keju.

Berlin

Erbsensuppe

Kuliner dairah Berlin banyak bamula matan zaman Prussia antara lain bamacam janis sup hangat gasan musim dingin yakni Kohlsuppe (sup kol) wan Erbsensuppe (sup kacang polong), imbahtu ada jua roti hirang, khususnya pumpernickel matan Westfalen.^[2] Gasan dessert, urang Berlin baisi Kugelhupf, sajanis bolu kupi, wan Käsekuchen, bolu keju. Tapi, masakan khas Berlin nang paling dipinandui adalah Eisbein, masakan tulang batis babi.

Westfalen

Kawasan Westfalen dipinandui sbagai parodusen ham, nang kaya Sulperknochen, nang diulah matan batis, talinga, wan buntut babi nang disurungakan lawan pudding kacang polong wan acar kol.^[2] Jenis masakan lain:

Tüttchen, daging cancang babumbu nang diulah matan utak sapi anum.^[2]
Pickert, adalah wadai kentang manis lawan kismis.

Rheinland-Pfalz

Sauerbraten

Wilayah Rheinland-Pfalz baisi macam-macam masakan ang babahan dasar daging, nang kaya Saumagen, parut babi nang diisi'i lawan acar kol, Schweinepfeffer, daging babi cancang nang dibumbui padas lawan darah babi, Hämchen, batis babi lawan acar kol wan kantang, Sauerbraten, daging sapi babumbu wan cuka anggur.^[2] Mantan Kanselir Konrad Adenauer nang baasal matan Rheinland katuju banar masakan Reibekukchen, panekuk kentang lawan saus apel atawa blueberry. Minuman nang dikatujui adalah Federweisser, anggur nang hanyar sapalihan difermentasikan. Federweisser biasanya katuju diminum pas mamakan wadai tar bawang.

Janis masakan nang lain:

Hase im Topf adalah jenis pâté (masakan daging cancang) kalinci.
Bratwurst, sosis babi.
Regensburger, sosis babi padas.

Minuman

Bir

Jerman mamparoduksi bir (Bier) nang bamacam-macam wan kualitasnya bamutu.^[2] Bamacam dairah baisi tradisi maulah bir khas, tarutama nagara bagian Bayern nang baisi pabrik bir (brauerei) paling tuha di dunia. Kawasan Berlin, Hamburg, Ruhr, Hesse, wan Stuttgart mahasilakan janis bir nang tapapuler, yakni Pils. Samantara jenis Altbier diproduksi di sabarataan dairah Jirman. Bir Jirman standar adalah Vollbier mang baisi 4%. kandungan alkohol, wan nang takeras adalah Export (5%) wan Bockbier (6%).

Nama bir	Keterangan	Asal
Dunkelbier	Bir berwarna gelap yang dihasilkan dari fermentasi lebih lama	Nordrhein-Westfalen
Doppelbock	Bir berwarna gelap, kandungan alkohol 6%	München,
Kölsch	Bir dari hop dan berwarna kuning jernih	Köln
Rauchbier	Jenis bir yang memiliki rasa asap karena proses pengasapan	Bamberg
Dampfbier	Bir berkarbornasi karena difermentasikan dalam suhu tinggi	Bayreuth
Hefeweizen	Bir dari gandum yang diberi dengan perasan jeruk lemon	Seluruh Jerman
Berliner Weisse	Bir gandum yang diberi sirup raspberi atau woodruff	Berlin
Altbier	Bir berwarna coklat yang terbuat dari barley, populer di Düsseldorf dan Frankfurt	Westfalen, Rheinland-Pfalz
Starkbierzeit	Bir keras yang diminum saat gentong bir dibuka setelah perayaan Fastenzeit di bulan Maret. Merupakan bir Jerman yang memiliki kandungan alkohol tertinggi	München
Pilsner	Bir ringan dan memiliki rasa hop	Dortmund

Anggur

Jerman marupakan parodusen minuman anggur salawas ba'abad-abad, tabi hanyar imbah ampih perang, apalagi pas tahun 1970-an, produksinya maningkat banar.^[2] Wayah ini, Jirman baisi banyak parodusen halus nang maulah minuman anggur nang bakualitas. Anggur Jirman nang bagus dipinandui lawan rasa alami nang hampul wan kasaimbangan antara rasa manis wan masam. Sapalihan ganal kabun anggur dibudidayakan di batis-batis bukit, apalagi di pinggiran Sungai Rhine wan Sungai Mosel lawan anak-anak sungainya nang jadinya kawa dapat sinar matahari mang dipantulkan matan banyu sungai. Anggur Jerman nang masak lawan lambat bapangaruh lawan rasa nang sagar wan masam nang unik. Jirman mamparoduksi sadikit anggur habang wan banyak anggur putih wan rosé (habang jambu) nang biasanya baisi rasa nang trocken ("pahit") atawa halbtrocken ("satangah pahit") nang baandak lawan label, balain lawan dessert nang bahan maulahnya matan minuman anggur nang rasanya manis tarus.

Bir Pilsner
Anggur Kabinett

Masakan Hari Natal

Tadapat banyak macam makanan istimewa nang dimasak pas Hari Natal di Jirman, salah sabutingnya adalah angsa panggang (Weihnachtsgans). Angsa ngini di dalamnya dimasukakan campuran buah apel wan persik lawan pangsit kantang, kol habang, aan saus anggur. Lain pada ngitu, meja prasmanan disediakan tarus lawan bamacam jenis sosis. Bamacam wadai nang dikatuji adalah wadai-wadai bapanggang wan stollen.

Oktoberfest

Oktoberfest adalah festival minum bir paling ganal di dunia nang sudah bakambang jadi pesta makan wan minum lawan banyak pondok tatukaran makanan, pamainan musik, wan karasmin kostum wan pawai.^[10] Sakitar 7 juta liter bir diminum pas haratan parayaan salawas 16 hari ngini. Oktoberfest diadakan mulai tanggal 16 atawa 17 September wan ampih pas hari Minggu pamulaan di bulan Oktober wan satiap tahun dikunjungi labih matan 7 juta wisatawan. Dalam dialek lokal, Oktoberfest dingarani jua Wies'n.

Lihati jua

Pasar Natal
Masakan Austria
Keju Jerman
Masakan Swiss
Masakan Polandia
Masakan Prancis
Masakan Italia
Masakan Turki

Referensi

^ ^a ^b ^c ^d ^e ^f ^g ^h ⁱ (Bahasa Inggris)Ethnic Cuisine: Germany, sallybernstein. Diakses pada 5 November 2010.
^ ^a ^b ^c ^d ^e ^f ^g ^h ⁱ ^j ^k ^l ^m ⁿ (Bahasa Inggris)Food & Drink, frommers. Diakses pada 9 November 2010.
^ ^a ^b ^c ^d The World Book Encyclopedia. World Book - G, Volume 8, Inc. 2006. hlm. 150. ISBN 0-7166-0106-0.
^ ^a ^b (Bahasa Inggris)Guide to German Sausages & Meat Products Archived 2008-03-07 at Archive.today, foodfromgermany. Diakses pada 13 November 2010
^ (Bahasa Inggris)Agriculture and Food — Meat Consumption: Per capita^{[permanent dead link]}, earthtrends.wri.org. Diakses pada 13 November 2010
^ (Bahasa Inggris) German Cheese: Bierkaese, Cambazola and More, I Love Cheese. Diakses pada 30 April 2010.
^ (Bahasa Inggris) Harbutt, Juliet (2006). The World Encyclopedia of Cheese. Anness Publishing Ltd. ISBN 978-1-84309-960-4. Page 109-111.
^ (Bahasa Inggris)Types of German Cookies, ehow. Diakses pada 30 November 2010.
^ (Bahasa Inggris)Guide to German Cookies, Cakes, Desserts and Confectioneries, germanfoods.org. Diakses pada 30 November 2010.
^ (Bahasa Inggris)Oktoberfest Introduction, globalgourmet. Diakses pada 30 November 2010.

Pranala luar

(Bahasa Indonesia) Schwabing Bratwurst and Beers, cita rasa Bavaria di Ibu Kota
(Bahasa Inggris) Eating the German way
(Bahasa Inggris) Resep masakan Jerman
(Bahasa Inggris) Resep masakan Jerman Archived 2008-01-24 at the Wayback Machine

[masakan_daerah_jerman-1] ^ ^a ^b ^c ^d ^e ^f ^g ^h ⁱ (Bahasa Inggris)Ethnic Cuisine: Germany, sallybernstein. Diakses pada 5 November 2010.

[masakan_daerah_jerman-food_and_drink-2] ^ ^a ^b ^c ^d ^e ^f ^g ^h ⁱ ^j ^k ^l ^m ⁿ (Bahasa Inggris)Food & Drink, frommers. Diakses pada 9 November 2010.

[german-worldbook-food_n_drink-3] The World Book Encyclopedia. World Book - G, Volume 8, Inc. 2006. hlm. 150. ISBN 0-7166-0106-0.

[produk_daging_jerman-4] (Bahasa Inggris)Guide to German Sausages & Meat Products Archived 2008-03-07 at Archive.today, foodfromgermany. Diakses pada 13 November 2010

[5] (Bahasa Inggris)Agriculture and Food — Meat Consumption: Per capita^{[permanent dead link]}, earthtrends.wri.org. Diakses pada 13 November 2010

[cheeselove-6] (Bahasa Inggris) German Cheese: Bierkaese, Cambazola and More, I Love Cheese. Diakses pada 30 April 2010.

[encyclopedia-7] (Bahasa Inggris) Harbutt, Juliet (2006). The World Encyclopedia of Cheese. Anness Publishing Ltd. ISBN 978-1-84309-960-4. Page 109-111.

[type_of_cookies-8] (Bahasa Inggris)Types of German Cookies, ehow. Diakses pada 30 November 2010.

[kue-kue_lecker_jerman-9] (Bahasa Inggris)Guide to German Cookies, Cakes, Desserts and Confectioneries, germanfoods.org. Diakses pada 30 November 2010.

[perayaan_oktoberfest-10] (Bahasa Inggris)Oktoberfest Introduction, globalgourmet. Diakses pada 30 November 2010.

[1]

[2]

[3]

[4]

[5]

[6]

[7]

[8]

[9]

[10]