Matahari

Matahari atawa jua disambat Surya (simbol: ; tumatan ngaran Diwa "Surya" - Diwa Matahari dalam kaparcayaan Hindu) adalah bintang taparak lawan Bumi lawan jarak rata-rata 149.680.000 kilomitir (93.026.724 mil). Matahari sarta kawalu buah planet (nang sudah dikatahui/ditamuakan ulih manusia) mambantuk Tata Surya. Matahari dikategoriakan sabagai bintang halus janis G.

Idabul struktur matan matahari

Matahari adalah suatu bula gas nang pijar dan sakalinya kada babentuk bulat banar. Matahari baisi katulistiwa dan kutub karana garak rotasinya. Garis tangah ekuatorialnya 864.000 mil, sadangkan garis tangah antar kutubnya 43 mil labih handap. Matahari marupakan angguta Tata Surya nang paling basar, marga 98% massa Tata Surya takumpul pada matahari.

Di samping sabagai pusat paredaran, matahari gin marupakan pusat sumbar tanaga di lingkungan tata surya. Matahari tadiri matan inti dan talu lapisan kulimbit, masing-masing fotosfer, kromosfer dan korona. Hagan tarus mancirat, matahari, nang tadiri matan gas panas mahurup zat hidrogen lawan zat helium malalui réaksi fusi nuklir pada kadar 600 juta ton, lawan itu kahilangan ampat juta ton massa satiap wayah.

Matahari diparcayai tabentuk pada 4,6 miliar tahun nang halam. Kapadatan massa matahari adalah 1,41 babanding massa banyu. Jumbelah tanaga matahari nang sampai ka parmukaan Bumi nang dipinandui sabagai konstan surya manyamai 1.370 watt par mitir parsagi satiap wayah. Matahari sabagai pusat Tata Surya marupakan bintang ganarasi kadua. Material matan matahari tabantuk matan laduman bintang ganarasi panambayan nangkaya nang diyakini ulih ilmuwan, bahwasanya alam samasta ini tabantuk ulih laduman big bang sakitar 14.000 juta tahun nang halam.

Manpaat wan peran matahari

Matahari adalah sumber energi hagan kehidupan. Matahari baisi banyak manfaat wan peran nang sangat panting hagan kahidupan nangkaya:

• Panas matahari mambariakan suhu nang pas hagan kalangsungan hidup organisme di Bumi. Bumi jua manarima energi matahari dalam jumlah nang pas hagan maulah banyu tatap babantuk cair, nang mana marupakan salah sabuting panyukung kahidupan. Salain ngitu, panas matahari mambada'i adanya angin, siklus hujan, cuaca, wan iklim.
• Cahaya matahari dimanfaatkan sacara langsung ulih tumbuhan berklorofil hagan malangsungakan fotosintesis, sahingga tumbuhan kawa tumbuh sarta manghasilakan uksigen wan barperan sabagai sumber pangan hagan hewan wan manusia. Makhluk hidup nang sudah mati akan manjadi fosil nang manghasilakan minyak Bumi wan batu bara sabagai sumber energi. Hal ngini marupakan peran matan energi matahari sacara kada langsung

Panel surya dipasang di atap rumah hagan manangkap sinar matahari wan maubahnya manjadi energi listrik.

• Pembangkit listrik tenaga matahari adalah moda hanyar pembangkit listrik lawanan sumber energi terbarukan.Pambangkit listrik ngini tadiri matan kaca-kaca ganal atawa panel nang akan manangkap cahaya matahari wan mengkonsentrasikannya ka sabuting titik. Panas nang ditangkap imbahnya digunakan hagan manghasilakan uap panas bartikinan, nang akan dipakai hagan manjalanakan turbin sehingga energi listrik kawa dihasilakan. Prinsip panel surya adalah pamakaian sel surya atawa sel photovoltaic nang tarbuat matan silikon hagan manangkap sinar matahari. Sel surya sudah banyak dipakai hagan kalkulator tenaga surya. Panel surya sudah banyak dipasang di atap bangunan wan rumah di dairah parkotaan hagan mendapatkan listrik lawan gratis.
• Pergerakan rotasi Bumi manyababakan ada bagian nang manarima sinar matahari wan ada nang kada. Hal nginilah nang manciptaakan adanya hari siang wan malam di Bumi. Sadangkan pergerakan Bumi mengelilingi matahari manyababkan tarjadinya musim.
• Matahari manjadi panyatu planet-planet wan benda angkasa lain di sistem tata surya nang bergerak atawa barotasi mangulilinginya. Keseluruhan sistem dapat berputar di luar angkasa karena ditahan oleh gaya gravitasi matahari yang besar.