Mohd Salleh bin Abdul Karim

Haji Muhammad Salleh bin Abdul Karim (1916 – 21 April,1959) diranakakan di Tanjung Olak Batu, Bukit Pasir, Muar, Johor. Maninggal di Hospital Besar Johor Bahru pada 21 April 1959. Wayah halus gawian sidin rahat di pakai gasan baguru kayah babarapa ikung guru, tabuat jua guru di kampung bini sidin, Hajjah Esah Haji Abdul Rashid, di Kayu Ara Pasong, Pontian, Johor.

Sapalihan guru-guru sidin, nangkaya Haji Hussein (baguru agama lawan Al-Quran), Haji Alias, Haji Adam wan jua Haji Ahmad. Sidin jua umpat balajar kayah Haji Abdul Fadhil bin Abu Bakar Banten nang mambawa ajaran Wirid Khaujakan di Johor imbah di ijinakan Sultan Ibrahim wan jua sudah diangkat jadi kapala (bubuhan) kalumpuk Wirid Khaujakan di Batu Pahat, Johor.

Haji Muhammad Salleh, atau nang labih dikanal urang Penghulu Salleh, Panglima Salleh atawa "Kiai Salleh" atawa "Panglima Salleh Selempang Merah" Sidin ni pahlawan Malayu keturunan Banjar nang malawan kakajaman komunis imbah Japang kalah rahat Perang Dunia II. Ada babarapa ikung urang kampung nang manggalari sidin Salleh Hitam atau Salleh Keling apang kulitnya nang tahirang sadikit.

Dipadahakan jua Haji Muhammad Salleh ni biasa(suah) umpat bakambuh di MPAJA: (Malayan People Anti-Japanese Army) nang ba'arti Rakyat Malaya Anti Japang atau kumunis pas tahun 1942 gara-gara tapidasak paksaan matan agin Kumunis. Sidin jua diangkat jadi katua Komunis Melayu Seri Medan pas tahun damintu. Tapi am sidin ni kada suah baulah hual atawa mandangani bubuhan kumunis turun awak (turun secara langsung). Malah pajak gasan MPAJA nang sidin kurting gasan kenduri ni'mat (samacam acara syukuran warga nang badiam disana) wan jamuan makan gasan urang kampung.

Janaki Jua

Kaya apa Sidin di tulisan bahasa Melayu https://ms.m.wikipedia.org/wiki/Mohd_Salleh_bin_Abdul_Karim