Muhammad Afif al-Banjari
Syekh Muhammad Afif bin Qadhi H. Mahmud bin Jamaluddin al-Banjari (habis umur sakitaran tahun 1916) nang bagalar Datu Landak adalah saurang ulama matan Martapura, Banjar, Kalimantan Selatan. Sidin jua tarkanal maraga suah mambantui pambangunan Masigit Al-Karomah, Martapura.
Silsilah babak
Muhammad Afif adalah cicit matan ulama ganal Kalimantan, Syekh Muhammad Arsyad bin Abdullah al-Hindi al-Banjari. Garis katurunannya yaitu Muhammad Afif bin Sari binti Khalifah Zainuddin bin Syekh Muhammad Arsyad al-Banjari. Abah matan Datu Landak jua marupakan katurunan Pangiran Diponegoro. Silsilahnya yaitu Muhammad Afif bin Anang Mahmud bin Jamaluddin bin Kyai Dipasunda bin Pangeran Diponegoro. Muhammad Afif adalah abah matan Syekh Abdurrahman Siddiq al-Banjari. Sidin lahir di Kampung Dalam Pagar, Martapura, Banjar.[1]
Riwayat babak
Diriwayatakan, Muhammad Afif dibari galar Datu Landak maraga pas inya bajikir, bulu awak sidin bacahaya wan badiri kujur nang kaya bulu landak.[2]
Pamakaman babak
Kubah Datu Landak kada baandak jauh matan kubuh buyut sidin, Datu Kalampaian. Sidin bakubur di Kubah Datu Landak nang ada di kampung Kelampaian Tengah, Astambul, Kabupatin Banjar.[3]
Jujuhutan babak
- ^ "Datu Landak, Ulama Banjar Keturunan Datu Kalampayan dan Bangsawan". Berita Banjarmasin | Situs Berita Data & Referensi Warga Banjarmasin. Diakses tanggal 2023-12-02.
- ^ "Ulama Banjar, Datu Landak; Bila Berdzikir Bulu Badan Berdiri Tegak". koranbanjar.NET (dalam bahasa Indonesia). 2020-04-21. Diakses tanggal 2023-12-02.
- ^ "Makam Syekh Muhammad Afif atau Datu Landak di lokasi Kubah Datu Kelampayan di Desa Kelampayan, Kecamatan Astambul, Kabupaten Banjar, Kalsel". koranbanjar.NET (dalam bahasa Indonesia). 2020-04-21. Diakses tanggal 2023-12-02.