Muhammad Arifin Ilham
K.H. Muhammad Arifin Ilham (diranakakan di Banjarmasin 8 Juni 1969 – habis umur di Malaysia 22 Mei 2019) adalah saikung pandakwah Indunisia nang marupakan urang Banjar. Sidin dipinandui jua sabagai pandiri majelis taklim bangaran "Adz-Dzikra" matan tahun 2000 dan marupakan turunan katujuh ulama ganal Kalimantan yaitu Syekh Muhammad Arsyad al-Banjari.[1] Ustad Arifin Ilham diranakakan balima badingsanak, sidin anak kadua wan anak laki sabutingannya dari kuitan sidin. Sidin maninggal pada 22 Mei 2019 imbah baubat panyakit kanker getah bening di rumah sakit di Penang, Malaysia wan dimakam akan di Pesantren Azzikra, Gunung Sindur, Kabupaten Bogor, Jawa Barat.[2]Panciri badakwah sidin balain lawan nang lain, kaya pambahasan nang maulah hati rasa tagantar nang kaya kalimat tauhid , takbir , wan tahmid . Sapalihan matan zikir tadi rancak banar sidin bawa pas maisi acara.[3] Ustad Arifin Ilham baisi tiga bini nang bangaran Wahyuniati Al-Waly, Rania Bawazier, wan Umi Akhtar.[4] Sidin jua baisi anak lima nang bangaran Amtaza Syahla Arifin, Alaa Hifzhiyah Arifin, Muhammad Alvin Faiz, Muhammad Amer Azzikra, wan Muhammad Azka Najhan.[4]
| Muhammad Arifin Ilham | |
|---|---|
 Muhammad Arifin Ilham, 2018 | |
| Lahir | Muhammad Arifin Ilham 8 Juni 1969 Banjarmasin, Kalimantan Selatan, Indonesia |
| Maninggal | 22 Mai 2019 (umur 49) Penang, Malaysia |
| Kawarganagaraan |  Indunisia |
| Alma mater | Universitas Nasional |
| Pagawian | Pendakwah |
| Kancaan | Citakan:Marriage Citakan:Marriage Citakan:Marriage |
| Kanak | Dari pernikahan Wahyuniati Syahla Djamaluddin Waly: Muhammad Alvin Faiz Muhammad Amer Azzikra (Alm.) Muhammad Azka Najhan Amtaza Syahla Arifin Dari pernikahan Rania Bawazier: Alaa Hifzhiyah Arifin Muhammad Ahya Fillah Akhsya Zakiya Arifin Dari pernikahan Femma "Umi Akhtar": Shofiya Dzikriya Arifin |
| Kawitan | H. Ilham Mardjuki Hj. Nurhayati |
Pandidikan
babakSidin manampuh pandidikan di SD Rajawali, imbah ngitu malanjutakan sakulah di Pondok Pesantren Darunnajah, Jakarta Selatan matan tahun 1983 sampai tahun 1987. Bah ngitu manaruskan pulang di Pondok Pesantren As-Syafi'iyah, Jakarta Timur tahun 1987 hinggan tahun 1989. Paakhiran sidin manarusakan di prodi S1 Hubungan Internasional Fakultas Ilmu Sosial dan Ilmu Politik Universitas Nasional (Fisipol Unas) Jakarta tuntung tahun 1994.[4]
Awal Mula Badakwah
babakUstad Arifin Ilham suah mangajar di Universitas Borobudur wan sidin tarmasuk urang nang payang lawan binatang. Katuju maingu burung hantu, ayam kate, wan kera hinggan tahun 1997 dibari urang ular kobra sakalinya maka inguan tu maigut sidin sampai karitis masuk rumah sakit[4]. Baubat di Rumah Sakit St. Carolus, Jakarta taliwati sabulan kritis itu nang mambuat sidin baisi pangalaman spiritual dari alam bawah sadar. [5]Pangalaman ngitu sabuting nang maulah sidin mantap hati manjadi pandakwah wan mangingatkan sebarataan umat Islam hagan bazikir.
Ustad Arifin Ilham samakin mendalami bidang agama wan mambarii caramah di sabagian pangajian, hinggan sidin tarkanal. Sidin baisi majelis pengajian sorangan nang bangaran Majelis Az-Zikra. Pamulaannya sidin mamimpin zikir di Masjid Al-Amr Bittaqwa, Perumahan Mampang Indah II, Depok. Imbah itu bapindah ke Masjid dan Pondok Pesantren Az Zikra Gunung Sindur, Bogor. [5]Sakalinya sidin katuju badakwah matan halus nang waktu ngitu mulai umur 16 tahun.[6]
Prestasi
babak- Ustad Arifin Ilham suah safari dakwah di 512 kabupaten/kota saking banyaknya umat Islam katuju lawan isi caramah sidin nang kawa mananangkan hati.[6]
- Bisi kabisaan mambawai narapidana di LP Cipinang wan LP Nusakambangan hagan mandalami agama dari camarah sidin sambil bazikir maulah napi hinggan tarharu.[6]
- Maulah akan masigit Az-Zikra di Sentul, Bogor, Jawa Barat.[6]
- Suah manjadi bintang pilem nang bajudul Syaikh Abubakar ulahan Gita Bhakti Visiotama tahun 2017[7] wan tahun 2019 main pilem ulahan Anak Bangsa Pictures Majelis Az-Zikra nang bajudul Suami Menangis.[8]
Daptar Jajuhutan
babak- ^ Profil Ustaz Arifin Ilham, Pendakwah Kondang Keturunan Syekh Muhammad Arsyad al-Banjari, https://kaltim.tribunnews.com/2019/01/11/profil-ustaz-arifin-ilham-pendakwah-kondang-keturunan-syekh-muhammad-arsyad-al-banjari.
- ^ "pemakaman ustad arifin ilham dipesantren az zikra - Search". www.bing.com. Diakses tanggal 2022-05-28.
- ^ VIVA, PT VIVA MEDIA BARU- (2016-10-13). "Profil Muhammad Arifin Ilham - VIVA". www.viva.co.id (dalam bahasa Indonesia). Diakses tanggal 2022-05-28.
- ^ a b c d Nurdyansa (2019-04-01). "Biografi Ustadz Arifin Ilham, Profil Dan Fakta Menarik Tentangnya | Biografiku.com" (dalam bahasa Indonesia). Diakses tanggal 2022-05-28.
- ^ a b Okezone (2019-05-23). "Kisah Mendiang Ustadz Arifin Ilham Dipatok Ular hingga Putuskan Jadi Pendakwah : Okezone Muslim". https://muslim.okezone.com/ (dalam bahasa Indonesia). Diakses tanggal 2022-05-28. Hapus pranala luar di parameter
|website=(bantuan) - ^ a b c d Okezone (2019-05-23). "Pencapaian Ustadz Arifin Ilham Semasa Hidup, Nomor 4 Paling Menyentuh Hati! : Okezone Muslim". https://muslim.okezone.com/ (dalam bahasa Indonesia). Diakses tanggal 2022-05-28. Hapus pranala luar di parameter
|website=(bantuan) - ^ "Syaikh Abubakar", Wikipedia bahasa Indonesia, ensiklopedia bebas (dalam bahasa Indonesia), 2022-05-19, diakses tanggal 2022-05-28
- ^ BeritaSatu.com (2019-08-28). "Kisah Ustaz Arifin Ilham Tersaji di Film Suami yang Menangis". beritasatu.com (dalam bahasa Indonesia). Diakses tanggal 2022-05-28.