Muhammad Rosyad
Guru Haji Muhammad Rosyad atawa "Guru Rosyad" adalah ulama matan Kabupatin Banjar, Kalimantan Salatan. Sidin diranakakan wayah 15 April 1939 atawa 3 Rabiulawal 1358 H di Tunggul Irang.[1] Guru Rosyad habis umur pada 8 Juni 2000. Sidin dikubur di Kubah Wali Lima.
| Riwayat | |
|---|---|
| Kamatian |
8 Juni 2000  (61 tahun (id) terjemahkan) |
| Alkah |
Kubah Wali Lima |
Agama (id)  |
Islam |
| Gawian | |
| Gawian |
Ulama (id) wan pedagang (id) |
 | |
Kaluwarga babak
Sidin ialah anak matan Guru Haji Ahmad Zaini wan Hajjah Noorjanah lawan jua dangsanak matan ulama Martapura nang manulis buku Senjata Mukmin, yakni Guru Haji Husein Qadri wan Guru Haji Badruddin atawa Guru Ibad. Abah sidin, Guru Ahmad Zaini tamasuk ulama nang tarkanal di Martapura wan suah jadi Mufti wayah jamannya. Marga ngitu, sidin banyak balajar matan abahnya wayah kakanakan.[2]
Rahatan baumur 24 tahun, yakni wayah Mai 1963, sidin kawin lawan bini nang panambaian, nang baisi 7 ikung anak, diantaranya Hajjah Miskiah, Guru Haji Farid Miski, Hajjah Nurhabsiah, Guru Haji Muhammad Naufal, Guru Haji Muhammad Busiri, Guru Haji Muhammad As'ad, wan Hajjah Kurratul Ain. Sidin jua kawin lawan bini nang kadua rahatan sidin baumur 41 tahun, yakni Marit 1981, tagal kada baisi anak matan bini nang ngini.[2]
Sajarah pendidikan babak
Guru Muhammad Rosyad balajar ulih kuitan sidin di Madrasah Iqdamul Ulum, Tunggul Irang kurang labih 3 tahun. Imbah ngitu, sidin balajar di Pondok Darussalam Martapura kurang labih 8 tahun matan 1958. Sakira manambahi wan mananam ilmu agama, Guru Muhammad Rosyad maumpati cara nang sama lawan dingsanaknya, Guru Ibad, yakni bajalan khusus lawan ulama nang baisi ilmu nang luas. Dalam hal ini, sapalih ulama nang jadi guru sidin, antara lain:[1][2]
- Guru Haji Badruddin, dingsanak sidin;
- Guru Haji Anang Sya'rani Arif, ulama ahli hadits;
- Guru Haji Muhammad Seman Mulia;
- Guru Haji Muhammad Syarwani Abdan di Bangil, Pasuruan.
Gawian babak
Guru Muhammad Rosyad disuruh ulih gurunya, yakni Guru Haji Syarwani Abdan (Guru Bangil) sagan mangajar di Pondok Datu Kalampayan di Bangil matan 1960 sampai 1965. Salaya naya, sidin aktif jua bajaja barang.[2]
Referensi nang babak
- ^ a b "Ulama Banjar (130): KH. Muhammad Rosyad". Alif.ID (dalam bahasa Indonesia). 2021-01-05. Diakses tanggal 2023-11-22.
- ^ a b c d Wahyu Perdana, Muhammad Putra (September 2021). "KH. MUHAMMAD ROSYAD: PENDAKWAH ISLAM DI KECAMATAN MARTAPURA KOTA KABUPATEN BANJAR TAHUN 1939-2000". Prabayaksa: Journal of History Education. 1 (2): 55–63.