Mustafa Kemal Atatürk
Mustafa Kemal Atatürk (diranakakan di Selânik (sekarang Thessaloniki), 19 Mai 1881 – habis umur di Istana Dolmabahçe, Istanbul, Turki, 10 Nupimbir 1938 pas umur 57 tahun),[1] hingga 1934 ngarannya adalah Gazi Mustafa Kemal Paşa, adalah saurang pawira militar dan nagarawan Turki nang mamimpin revolusi nagara itu. Sidin jua marupakan pandiri wan presiden panambaian Ripublik Turki.
Mustafa Kemal mambuktiakan dirinya sabagai komandan militar nang sukses pahadangan badinas sabagai komandan divisi dalam Patampuran Gallipoli. Limbah kakalahan Kakaisaran Ottoman di tangan tantara Sekutu, dan rancana-rancana barikutnya gasan mamacah nagara itu, Mustafa Kemal mamimpin garakan nasional Turki dalam apa nang dudinya manjadi Perang Kamardikaan Turki. Kampanye militarnya nang sukses mangulihakan kamardikaan nagara ini dan tabantuknya Ripublik Turki. Sabagai presiden panambaian nagara ini, Mustafa Kemal maminanduakan sarangkaian pahanyaran nang lumbah nang bausaha manciptakan sabuah nagara modern nang sekular wan demokratis. Manurut Hukum Ngaran Kaluarga, Majlis Agung Turki mamberiakan kapada Mustafa Kemal ngaran "Atatürk" (nang ba'arti "Abah Bangsa Turki") pada 24 Nupimbir 1934.
- ^ Hari lahir Atatürk tidak diketahui. Permulaan Perang Kemerdekaan Turki adalah hari lahir simbolinya.