Naga
Naga ngitu marupakan mahkluk mitologis nang baisi ciri manyarupai reptil, nang cungul di banyak kisah rakyat matan babagai budaya di dunia. Kaparcayaan urang lawan naga lain-lain di satiap dairah. Bubuhan ahli parcaya amun naga ngitu kamungkinan ganal gambaran matan buhaya, makanya binatang ngini manjadi paawalan gambaran naga timur modern.
Itimulugi
babakIstilah "naga" ngitu marupakan kata sarapan nang ba'asal matan basa Sanskerta, yaitu nāgá (नाग) nang artinya "ular kobra", nang asalnya matan panyabutan gasan ular kobra Hindia (Naja naja).
Diskripsi
babakSacara umum, naga ngitu dikenal urang sabagai makhluk nang superior (unggul) nang bantuknya manyarupai tadung, kadang kawa jua manyamburakan api. Inya hidup di sabarataan tampat (banyu, darat, udara). Walaupun gambaran bantuknya bamacam-macam, tapi sacara umum makhluk ngitu digambarakan sabagai makhluk nang sakti.
Manurut Budaya Barat
babak
Naga di dunia Barat itu digambarakan sabagai monster atawa kadal ganal, baisi sayap, batanduk, batis ampat bigi, wan kawa manyamburakan api, hidupnya di guha. Naga di dunia Barat ngini rajin cagar marusak wan bakawan lawan kakuatan gelap. Inya dicitra'akan sabagai tokoh jahat nang musti dimusnahakan. Seseorang kawa mandapat galar pahlawan atawa ksatria amun kawa mambunuh naga.
Manurut Budaya Timur
babak
Di budaya Timur, naga itu biasanya digambarakan kada basayap, batisnya ampat, bantuknya nangkaya ular nang ganal banar, langkap lawan tanduk, sungut, wan kuku. Inya jua dianggap sabagai sosok nang bijaksana wan agung kaya dewa. Naga versi budaya Timur (tautama di Tiongkok) ngini, dianggap baisi sifat nang baik amun inya tarus dihurmati, sarta dianggap sabagai lambang kakuatan alam, tautama angin topan.
Manurut Budaya Indunisia
babakNaga manurut pandangan kabanyakan urang Indunisia, dianggap sabagai lambang dunia bawah. Sabalum Jaman Hindu (Neolithicum), di Indunisia ada anggapan amun dunia ngini dibagi jadi dua bagian, yaitu dunia bawah wan dunia atas, wan kadua-duanya baisi sifat nang batantangan.