Onde-onde

Onde-onde adalah wadai pasar nang banyak ditamui di Indonesia, kada ngalih ditamui di pasar tradisiunal atawa dijual ulih padagang kaki lima.

Onde-onde

Onde-onde diulah tumatan galapung gandum atawa galapung lakatan nang disanga atawa dijarang, wan pamukaannya atawa kulitnya dihamburi biji wijen. Onde-onde ada bamacam-macam, nang paling rancak ditamui adalah nang diulah matan galapung lakatan wan dalamnya diisi bubuk kacang hijau. Banyak jua onde-onde nang diulah matan galapung gandum wan dibari warna nangkaya putih, habang, atawa hijau.

Sajarah onde-onde kawa ditalusuri tumatan Tiongkok, pas jaman dinasti Tang, makanan ngini jadi wadai rasmi dairah Changan (wahini Xian) nang disambat ludeui (碌堆). Wadai ngini imbahnya dibawa ulih pandatang manuju ka dairah salatan Tiongkok, imbah nitu sasain maluas sampai ka dairah-dairah Asia Timur wan Asia Tenggara.