Panggarak 4 ban

Panggerak 4 ban (Basa Inggris: four-wheel drive) rancak disingkat 4WD atawa 4x4 marupakan istilah nang dipakai gasan kandaraan nang baisi sistim tanaga panggarak di kaampat buting bannya. Kandaraaan nang baisi kamampuan 4x4 baisi tujuan hagan mandapatakan traksi nang mamadai dalam barataan medan kundisi kartak (off road), nang kaya:

• hagan dipakai di medan nang barat nang kaya tanjakan tarjal, jalanan licin atawa jalan nang ada lumpurnya, rancaknya kandaraan jeni ni batipe jeep atawa SUV
• hagan dipakai pada kandaraan nang laju lawan kundisi parmukaan kartak nang kada, rancaknya kandaraan jenis ni batipe sport mewah nang kaya Audi's quattro, DaimlerChrysler 4matic, nang dipakai dipruduk Mercedes-Benz, BMW, lawan xDrive, wan Volkswagen 4motion.
• hagan dipakai di persi pruduksi matan mubil rally, nang kaya Audi Quattro, Lancia Delta Integrale, Toyota Celica GT-Four, Subaru Impreza WRX, Mitsubishi Lancer Evolution. Mubil-mubil sport baukuran kumpak ni baisi Full-Time 4WD atawa All Wheel Drive nang mambariaakan traksi labih pas sagala macam parmukaan kartak.

Jip Wrangler marupakan salah sabuting kandaraan baisi panggarak ampat ban.

Cara gawi

Sketsa cara gawi panggarak 4 ban.

Pada kandaraan nang baisi panggarak 4 ban, mesin dihubungakan lawan diperensial tangah (transfer case) nang mambagi tanaga ka ban balakang wan ban muka. Karana pas mamakai panggarak 4 ban, pamakaian energi taganal, rancaknya panggarak 4 ban hanya mamakai pas saat diparluaakan haja, lawan maaktipaakan mamicik tumbul atawa tuas tartantu

Mudil wan jenis

Badasarakan mudil wan jenisnya, kawa dikalumpuakan sabagai berikut:

• Part time, pengoperasian 4WD pas tartantu haja sasuai kundisi kartak.
• Full time, 4WD salalu tapasang dalam sagala kundisi kartak.
• Manual, paaktipan 4WD dilakukan sacara mekanis lawan manggaraakan tuas tartentu. Pada babarapa jenis kandaraan bahkan parlu dipusingakan pada purus bannya.
• Utumatis, pagaktifan 4WD dilakukan lawan picikan (semi automatic) atawa sensor tartentu (full automatic).

Dalam aplikasinya, barbagai kandaraan mangkombinasiakan kampat mudil atawa jenis nang diatas.

Pranala luar

• (Bahasa Inggris) How Four-Wheel Drive Works
• Tipe Penggerak Kendaraan Archived 2009-01-06 at the Wayback Machine