Pantai Tabanio
Pantai Tabanio (lugat Banjar: Tabuniau) adalah salah satu pantai nang ada di wilayah Desa Tabanio, Kecamatan Takisung, Kabupaten Tanah Laut, Kalimantan Selatan. Pantai ngini baisi kaindahan wan hiasan nang balain pada pantai lainnya di Tanah Laut. Pantai Tabanio baisi ciri ada puhun trembesi ganal (Samanea saman) di pinggir pantai, wan baisi tanah pasir nang barasih, ada biuta laut nangkaya kerang, si Umang, wan ubur-ubur kada ngalih ditamuakan.[1]
Kada jauh pada pantai ada situs bakas paninggalan Walanda, gundukan tanah nang dahulu adalah benteng partahanan militir Walanda, dibangun sakitar tahun 1779. Pantai Tabanio mahadap langsung ka muhara Barito di Banjarmasin, makanya rancak talihat tungkang-tungkang batubara tumatan pantainya.[2]
Jujuhutan
babak- ^ "Pantai Tabanio". dispar.tanahlautkab.go.id. Diakses tanggal 2024-06-18.
- ^ Kompasiana.com (2023-04-28). "Pantai Tabanio, Pantai Favorit di Kalimantan Selatan". KOMPASIANA (dalam bahasa Indonesia). Diakses tanggal 2024-06-18.