Patikuan

Patikuan(BH)/Patékoan(BK) adalah suatu wadah nang dipakai gasan manjarang daun tih atawa campuran herbal lawan banyu nang parak manggurak. Tih kawa ditampatkan dalam kantung tih culup atawa dibiarkan basapai. Jika dibiarkan basapai, diparlukan tapisan tih gasan manangkap daun-daun tih di dalam patikuan sawayah handak maruak. Patikuan biasanya ba'isi tukup di palih atasnya gasan tampat memasukkan tih wan banyu, tangking gasan mamingkutnya, awan jua cirat gasan manyurung tih nangitu tadi. Babarapa janis patikuan ba'isi panapis bapasang di hujung sabelah dalam tumatan cirat nangitu. Bahanu di'ulah suatu luang halus di panukup patikuan sabagai tampat pambuangan kalabihan udara di dalam patikuan gasan mantagah puracit sawayah tih dilingir.

Patikuan ba-motif hiasan kambang.

Gait luar

• (Bahasa Inggris) A history of teapots Archived 2007-02-02 at the Wayback Machine
• (Bahasa Inggris) Sparta Teapot Museum USA
• (Bahasa Inggris) A brief history of teapots from Stoke-on-Trent Museums Archived 2007-11-20 at the Wayback Machine