Piza

Piza adalah makanan gurih matan Italia nang kaya ruti bulat wan lépéh, nang diubar di tungku wan rancaknya dimumuri saus tumat wan kiju lawan bahan makanan tambahan lainnya nang kawa dipilih. Kiju nang dipakai biasanya mojarela atawa "kiju piza".

Pepperoni adalah salah sabuting isi piza Amerika nang liwar takanal.

Janis bahan lain kawa jua diandak di atas piza, biasanya daging wan saus, kaya salami wan pepperoni, ham, bacun, buah kaya kanas wan jaitun, sayuran kaya lombok, paprika, wan jua bawang bombay, kulat, wan lain-lain.

Rutinya biasa diulah kaya ruti biasa tagal kawa dibari rasa tambahan lawan mentega, bawang putih, tanaman ubat, atawa wijen. Piza biasanya dimakan pas masih panas (biasanya gasan makan siang atawa malam), tagal ada jua nang dihiwangakan pas dingin, biasanya dimakan gasan sarapan atawa pas bajalanan.

Piza biasanya dimakan di risturan, ditukar di pusat paulanjaan atawa pancarekenan, wan kawa jua ditampah liwat talipun atawa liwat intirnit gasan diantar, panas wan siap gasan dimakan di rumah.

Kata "piza" diambil matan bahasa Italia pizza (Alfabet Fonetik Internasional / International Phonetic Alphabet, IPA: [ˈpiːtsə]), biasanya ba'arti "pai, kue, tart". Banyak nang salah mangira kalu piza asalnya matan kata Italia nang berarti phai (pie).

Piza Italia

Piza asli baasal matan Italia wan kawa ditamui di Pizzeria (tuku piza) nang tiap pursi pizanya badiamitir sakira 30 sintimitir atawa labih, lawan adunan nang sudah ditarik tipis. Salah sabuting rahasia kanyamanan piza Italia adalah prusis paubarannya nang diandak di dalam tungku lawan bara api. Ngini disababakan amun diubar lawan tungku listrik, biasanya adunan piza tipis kawa jadi karas.

Asal mula

Piza sudah dikanal ulih masarakat bahari, bantuknya lain lawan piza jaman wahini. Piza nang kita tahu wahini matan sakira tahun 1600-an, piza wayah ngitu kada dimumuri saus tomat diatasnya. Imbah itu pada tahun 1800-an piza lawan saus tumat dibawa ulih imigran Italia nang umumnya urang matan Napoli ka New York, Amerika Serikat.

Wayah periode ngitu jua di Napoli, Italia cungul "Bakawinan Basajarah" piza nang diparupui mujarila. Urang nang maulah piza, Raffaele Esposito wan bininya manyiapakan sabigi piza gasan dijulung ka Ratu Margherita Savoia, bini Kaisar Italia Umberto I. nang diulah atas susuruhan Nang Mulia. Sabigi Pizza nang malambangakan Bandira Italia: Habang itu saus tumat, putih ngitu mujarila wan hijau ngitu daun basil. Ulih marga Sang Ratu katuju banar lawan cita rasa piza sadarhana ngini maka piza ngitu dingarani Piza Margherita, sasuai lawan ngaran Sang Ratu. Bairingan baubahnya jaman wahini cungul Deep Dish Pizza, yaitu piza lawan bantuk nang manyarupai wadai pai.