Potret Pamuda Duduk

Potret Pamuda Duduk, atawa Potret Pamuda Baumur 18 Tahun, adalah lukisan minyak di kanvas (91x70 cm) ulahan Georg Pencz. Lukisan ngini diulah tahun 1544 wan disimpani di Galeri Uffizi, Firenze, Italia. Di lukisan ngini tadapat tulisan EATATATIS SVE XVIII 15 GP 44.

Potret Pamuda Duduk
Italia: Ritratto di ignoto di diciott'anni
Saniman	Georg Pencz
Tahun	1544 (1544)
Médium	Minyak di kanvas
Ukuran	91 cm × 70 cm (36 in × 28 in)
Andakan	Galeri Uffizi, Firenze

Sajarah

Georg Pencz, salah seorang Maestro Kecil, adalah palukis potret bapengalaman nang tainspirasi oleh Dürer; inya adalah palukis kula karajaan Adipati Prusia nang manganal seni Renaisans di Firenze wan Roma. Lukisan ngini adalah cuntuh karya bagaya Italia lawan warna wan gaya khas Agnolo Bronzino. Lukisan ngini bisa jadi marupakan lukisan partunangan karena tadapat ukiran vas api di tembok nang bamakna cinta.

Lukisan ngini disimpani di Villa di Poggioreale, lalu dipindah'akan ka Galeri Uffizi tahun 1773. Lukisan ngini diyakini marupakan potret diri sorang wan ditampai'akan di Koridor Vasari sampai tahun 1891.

Umur pamuda ini tacantum di kartas nang manggantung di tawing lukisan. Inya digambarakan duduk di bantal wan maitihi ka arah pangamat/palukis. Inya mamakai baju bagaya aristokrat waktu ngitu. Di dalam ruangan, tadapat hambal hijau di pangguringan, dua surat satangah tabuka, wan barang antik bagaya Italia. Ada parnak-parnik nang mancarminakan salira tinggi ampun lukisan.

Daftar pustaka

• Gloria Fossi, Uffizi, Giunti, Firenze 2004. ISBN 88-09-03675-1

Pranala luar

• "La scheda ufficiale di catalogo".