Pulau Bakut

Pulau Bakut barada di tangah-tangah sungai Barito wan di bawah jambatan Barito nang mahubungakan Provinsi Kalimantan Selatan lawan Provinsi Kalimantan Tengah. Pulau Bakut mamiliki daya tarik gasan warga Banjar karana baisi pamandangan nang mamukau, udara nang sajuk lawan kamudahan sagan meakses masuknya. Pulau Bakut ngini jua manyandang status Taman Alam Wisata nang manjadi pilihan destinasi wisata bapatualang lawan wisata gasan balajar.

Pulau Bakut jua kawa digunakan gasan lukasi mangambalikakan bakantan hasil tangkapan warga sakitar ke habitat asalnya sahingga kawa maningkat akan populasi hewan bahidung panjang. Gasan haraga masuk bubuhan lokal Banjar ke Pulau Bakut cukup mambayar harga masuk sabasar Rp.10.000 di hari biasa wan Rp.12.500 di hari libur. Sadangkan gasan wisatawan haraganya Rp.100.000 di hari biasa wan Rp.150.000 di hari libur.

Cara Bakunjung

Ada 2 alternatif gasan bakunjung ka Pulau Bakut. Isa, pangunjung kawa bamutur selama 1,5 sampai 2 jam menuju Desa Marabahan Baru, Kec. Barito Kuala. Kadua, kawa lewat menyusuri Sungai Martapura sampai Sungai Barito gasan manuju Pulau Bakut salama satu sampai dua jam.