Puracit

Puracit

Tadapat banyak banar kulinir Nusantara, salah satu kulinir nusantara nang kada tapi ditahu urang lagi ngarannya wadai Puracit, wadai ngini dari Banjarmasin. Wadai nang mirip Putu Mayang ngini baisi rasa nang nyaman tabuat dari galapung baras, gula habang, kalapa awan bahan nang lain. Wahini kada banyak lagi nang bajual wadai puracit ngini.

Cara maulahnya

Amun pian handak baulah wadai puracit ngini di rumah, mamarluakan gula habang, galapung baras lawan banyu. Gasan hamburan pakai parutan nyiur. Takarakannya sasuaiakan lawan sabanyak apa yang handak diulah.

Nahh ngini cara maulahnya :

pamulaan : panasi sumapan

Kadua : buati galapung baras dalam wadah nang wasi atau kada lunuh kana panas hanyar sumap kira-kira saparat jam.

Katiga : sambil mahadangi galapung baras disumap, diwadah nang lain jarang gula habang sampai lunuh, jangan kada ingat mambuati banyu.

Kaampat : imbah galapung baras tadi disumap campur lawan gula habang nang sudah lunuh ngintu.

Kalima : imbah barataan taharu, buat dalam palastik nang sagitiga, imbah ngintu luangi palastiknya sadikit.

Kaanam : diwadah luyang nang sudah dilapisi palastik atawa daun pisang nang sudah disapu lawan minyak lamak, samprutakan adunan diatas luyang ngintu.

Katujuh : sumap adunan nang sudah disamprut ngintu.

Kalapan : imbah masak, hamburi nyiur baparut