Rumah Gajah Manyusu

Rumah Gajah Manyusu adalah rumah tradisiunal urang Banjar di Kalimantan Selatan. Rumah induk mamakai hatap perisai buntung lawan tambahan hatap sengkuap (Sindang Langit) di emper muka, wan anjungnya mamakai hatap sengkuap (Pisang Sasikat) atawa kawa jua mamakai hatap perisai.

Rumah Gajah Manyusu bahatap Sindang Langit Bajurai kada baanjung di Birayang, Hulu Sungai Tengah.

Ciri

Awak bangunan induk mamakai hatap gajah hidung bapicik. Ambinnya tedapat 4 biji pilar nang menyangga karbil (bahasa Indonesia: emper depan), wan pada Tawing Hadapan tedapat tangga naik nang dingarani Tangga Hadapan. Anjung mamakai hatap Pisang Sasikat nangkaya rumah Bubungan Tinggi, sedangkan halar bangunan nang disebut anjung mamakai model Anjung Surung nangkaya rumah Cacak Burung.

Ruangannya basusun dari muka ke belakang. Bedahulu, ambin nang disebut Surambi Sambutan. Habis itu Pamedangan (serambi atas), Ambin Sayup (ruang tamu), Palidangan (ruang dalam) nang diapit Anjung Kanan wan Anjung Kia, serta Padapuran atau Padu (Dapur).