Rumah Melayu Salaso Jatuh Kembar

Rumah Melayu Salaso Jatuh Kembar adalah rumah adat Riau. Rumah ngini ada bamula tahun 1971 wayah Gubernur Riau Arifin Ahmad maulah pakumpulan Sambilan nang baisi bubuhan budayawan wan pamikir malayu. Pakumpulan ngini bagawian maulah Rumah Adat Riau nang dijadiakan Anjungan di Taman Mini Indonesia Indah (TMII). Rumah Salaso Jatuh Kembar ngini bangunannya nang kaya rumah adat tapi lain gasan tampat tinggal, malainkan gasan bamusyawarah atawa pakumpulan adat. Rumah Salaso Jatuh Kembar baisi palatar di mukanya, palatarannya tarandah dibandingakan wan bagian tangah, ngitulah bamula ngarannya Salaso Jatuh.

Pucuk hatap bangunan ngini bahias kayu nang mancuat ka atas basilang wan baukir. Dingarani Salembayung atawa Sulobuyung nang bararti pangakuan wan Tuhan nang Maha Esa. Selasar dalam bahasa Melayu dingarani Salaso. Salaso Jatuh Kembar bararti rumah nang baiisi dua selasar (salaso) nang lantainya labih randah dibandingakan ruang tangah.

Curak Rumah Melayu Salaso Jatuh Kembar

Curak dasar Melayu Riau mahiasi Rumah Salaso Jatuh Kembar nang bamula dari alam, nang kaya tumbuhan, binatang, wan banda-banda angkasa. Curak tumbuhan nang mahibaki wan banyak dipakai di Rumah Salaso Jatuh Kembar ngini. Arsitektur bangunan wan seni ukir masyarakat Riau sangat kuat dipengaruhi wan corak Hindu-Budha. karana urang Malayu Riau wayahini kabanyakan baagama Islam jadi curak binatang burusiah manjurus wan hal-hal nang babau "keberhalaan". Mun dijanaki sajarah kalahiran tulisan Melayu (Aksara Arab) wan curak seni ukir flora masyarakat Melayu Riau ngini didasarakan wan parkambangan Agama Islam nang bamula dari Zaman Kerajaan Malaka. Mun ada curak binatang nang dipilih biasanya mengandung sifat tertentu atawa nang bakaitan wan mitos atawa kepercayaan tempatan. cuntuhnya, curak binatang samut, karana sifat samut nang rukun wan tulung menulung. Ada jua curak lebah, mamakan nang barasih, imbah ngitu mangaluarakan madu nang bamanfaat gasan manusia. Curak naga bakaitan wan mitos kagagahan naga nang manguasai lautan.