Sang Penguasa
Il Principe (Sang Penguasa) adalah sabuting risalat pulitik ulih saurang pegawai negeri wan tiuritikus pulitik Firenze Niccolò Machiavelli. Aslinya bajudul De Principatibus (Tentang Kekuasaan), ditulis pas 1513,[1] lamun hanyar ditarbitakan pas 1532, lima tahun imbah Machiavelli habis umur. Tulisan ngini adalah sabuting studi klasik tantang kakuasaan wan kaya apa mandapatakan, mamparluas, wan mamakainya lawan hasil nang maksimal. Tulisan ngini sabujurnya kada mawakili karya-karyanya salawas hidup, tapi karya nginilah nang paling diingat, wan nang maulah ranaknya istilah "Machiavelis" nang dipakai sacara luas sabagai istilah pejoratif.
| Berkas:Machiavelli Principe Cover Page.jpg | |
| Panulis | Niccolò Machiavelli |
|---|---|
| Judul asli | Il Principe |
| Negara | Firenze |
| Bahasa | Italia |
| Subyek | Ilmu politik |
| Genre | Non-fiksi |
| Penerbit | Antonio Blado d'Asola. |
| Tanggal terbit | 1532 |
| Seri sebelumnya | Discorsi sopra la prima deca di Tito Livio |
| Seri lanjutan | Andria |
Tinjauan umum babak
Pandangan-pandangan nang diuraiakan ulih Machiavelli dalam Sang Penguasa mungkin tadangar ikstrim. Lamun, saban inya hidup, inya mahabisakan di Firenze pas haratan kunflik pulitik nang basambung-sambung. Karananya, nilai utama nang ditikin Machiavelli adalah kaparluan akan stabilitas dalam wilayah saurang pangiran atawa panguasa.
Tiuri-tiuri nang ditampaiakan dalam Sang Penguasa rancak dipuja sabagai mitudi-mitudi baakal nang kawa dipakai ulih panguasa nang haratan mancari kakuasaan hagan supaya baisi takhta, atawa ulih saurang panguasa hagan mangukuhakan pamarintahannya. Manurut Machiavelli, kabaikan moral nang paling ganal adalah sabuting nagara, nang bijak (virtuous) wan stabil, wan tindakan-tindakan hagan malindungi nagara, walaupun kajam, kawa dibujurakan. Nang paling panting adalah bahwa inya manggawi saban hal nang parlu hagan mampartahanakan kakuasaannya; lamun damikian, Machiavelli sangat maanjurakan bahwa tarutama, Sang Panguasa kada bulih dimuari. Inya mambarii sabuting jawaban nang padat tantang apakah saurang panguasa harus ditakuti atawa wan di cintai. Inya manyambat, "... sabuting panguasa nang bijaksana harus maulah kakuasaannya badasarkan apa nang inya surang kuasanya wan lain badasarakan apa nang urang lain kuasai; inya harus bausaha supaya kada dimuari, nang kaya yang imbah dicatat." Inya jua manyambat "Nang paling baik adalah ditakuti wan dicintai; lamun damikian, misalakan saurang kada dapat kaduwanya, baik ditakuti matanpada dicintai."
Wacana pambukaan matan Sang Penguasa maartiaakan mitudi-mitudi pamarintahan nang efektif dalam babarapa bantuk kapanguasaan (nang kaya, jabatan nang hanyar didapatakan vs. katurunan). Machiavelli mamadahi lawan pambacanya, nang diasumsikan sabagai saurang angguta matan kabangsawanan Firenze, jalan nang tabaik hagan mandapatakan, manahani, wan malindungi sabuting nagara. Mitudi-mitudi nang digambarakan di dalamnya mancakup pangajaran manganai parang wan kakajaman.
Ringkasan babak
Pangantar babak
Sang Penguasa sacara luas disambat sabagai salah sabuting buku nang paling bapangaruh dalam pulitik, kususnya manyangkut, mandapatakan, palastarian, wan pamakaian kakuasaan pulitik di dunia barat. Pangamatan-pangamatan Machiavelli tarus bagama lawan para pulitikus, mahasiswa wan sarjana. Haratan Machiavelli manulis Sang Penguasa inya kada bamaksud hagan manyusun tulisan ilmiah tantang tiuri pulitik, tapi tulisannya dikatujui ulih kaluarga Medici nang bakuasa, nang dirasaakan mambarii nasuhat tantang kayaapa saurang panguasa kawa mandapatakan wan manahani kakuasaan.
Machiavelli mambujurakan kakuasaan lewat kakarasan wan lain lewat hukum. Karananya, Sang Penguasa kaliatan nang kaya mambujurakan saban tindakan nang digawi samata-mata hagan malastariakan kakuasaan.
Inya jua managaskan bahwa inya kada handak mamandirakan masalah republik, inya manyambat :Tentang republik aku kada handak bapandir ngitu wayahini, karana hal ngitu imbah dipandirakan di wadah-wadah nang lain sacara panjang libar. Di sini aku sacara khusus handak mamandiraakan kakuasaan, wan lawan maisi karangka di atas aku handak mamadahi kayaapa nagara tuh harus diparintah wan ditahani."
Patahanan wan militer babak
Imbah mambahas macan tipe kekuasaan, Machiavelli imbahnya mambahas kayapa sabuting nagara kawa manyarang wilayah-wilayah nang lain atawa manahani nagaranya. Duwa dasar nang paling panting hagan saban nagara, baik nagara bahari atawa nang hanyar, adalah hukum nang sihat wan pasukan-pasukan militer nang kuat. Saurang panguasa nang mandiri adalah panguasa nang kawa malawani musuh manapun haratan di midan pakalahian. Lamun, sabuting panguasa nang hanya maandalakan perbentengan atawa bantuan matan nang lain wan hanya basikap defensif, kadalah mandiri. Lamun saurang panguasa kada kawa maulah sabuting pasukan nang kuat wan harus maandalakan nang lain hagan manahaninya, inya harus membenting kutanya. Sabuting kuta nang bentengi mamakai nang baik kada akan jadi incaran sarangan, wan bila disarang, kabanyakan tantara kada kawa mahanani di dalam pangapungan nang panjang. Lamun, dalam sabuting pangapungan, surang panguasa nang bijak akan mangaja moral warga tatap tinggi, samantara manyingkirakan saban pambangkang. Karananya, salawas kuta ngitu ditahani dangan baik wan baisi cukup pasokan, sabuting panguasa nang bijaksana kawa malawani pangapungan apapun.
Machiavelli maambil sikap nang karas tarhadap pamakaian pasukan-pasukan sewaan, tantara nang disewa hagan parang. Inya parcaya bahwa tantara sewaan kadada gunanya hagan surang panguasa karana mareka kada disiplin, pengecut, wan kada baisi loyalitas. Mutivasi mereka umpat perang hagan duit wara. Machiavelli mamadahakan bahwa Italia kada harata karaan maandalakan tantara sewaan.
Pas barbagai tahap kahidupannya, Napoleon I matan Prancis manulis tafsiran nang panjang hagan Sang Penguasa. Imbah kalah di Waterloo, tafsiran-tafsiran nginih didapatakan dikursi sang kaisar wan diambil ulih militer Prusia.
Diktator Italia Benito Mussolini manulis sabuting wacana tentang Sang Penguasa. Ada pula sabuting edisi alih-bahasa Inggris-Spanyol. [2]
Lihati jua babak
Referensi babak
- ^ Google books. "The Prince". Diakses tanggal 2007-10-02.
- ^ Massa-Carrara, Marina (2006). El Principe/The Prince: Comentado Por Napoleon Bonaparte / Commentaries by Napoleon Buonaparte, Mestas Ediciones
- Alinea pembukaan buku Outline of Great Books, Vol.I, 1937.
Pranala luar babak
Pranala ka teks lengkap:
- Il Principe Archived 2007-06-26 at the Wayback Machine MetaLibri (PDF eBook)
- (Bahasa Inggris) Teks lengkap Adelaide dari The Prince (termasuk catatan kaki) Archived 2006-07-20 at the Wayback Machine
- (Bahasa Inggris) SparkNotes
- The Prince di Proyek Gutenberg
- (Bahasa Inggris) The Prince Archived 2010-03-03 at the Wayback Machine, teks online dan audio
- Concordances dan Frequency List berdasarkan teks bahasa Italia. * (Bahasa Inggris) Referensi Shakespeare Archived 2007-12-14 at the Wayback Machine Referensi kepada pengaruh Machiavelli dalam karya Shakespeare.
- (Bahasa Inggris) Tafsiran tentang The Prince
- (Bahasa Inggris) Helpful/Informational Link
- (Bahasa Inggris) Helpful/Informational Link