Sarun
Sarun (atawa disambat jua ricik) adalah salah sabuting instrumen gamelan nang tamasuk kaluarga balungan.
Dalam satu set gamelan rajin ba'isi 4 saron, wan kasamunyaannya ba'isi versi pelog wan slendro. Saron mahasilkan nada sa-oktaf tatinggi pada demung, lawan ukuran fisik nang tahalus. Tabuh saron biasanya di'ulah tumatan kayu, lawan bantuk nangkaya tukul.
Cara manabuhnya ada nang biasa sesuai nada, nada nang imbal, atawa manabuh bagantian antara sarun 1 wan sarun 2. Hancap lambatnya wan karas lamahnya panabuhan tagantung lawan komando tumat kendang wan macam gendhingnya. Pada gendhing Gangsaran nang manggambarakan kondisi peperangan pariannya, ricik ditabuh sacara karas wan hancap. Pada gendhing Gati nang banuansa malitir, ricik ditabuh lambat tagal keras. Sawayah ma'iringi lagu ditabuh gimit.
Dalam mamainakan sarun, tangan kanan mamukul wilahan / lambaran logam lawan tabuh, imbah nitu tangan kiwa mamicik wilahan nang dipupuh sabalumnya gasan mahilangkan dangungan nang tasisa tumat pamukulan nada sawalumnya. Teknik naya disambat memathet (kata dasar: pathet = picik)
