Sistim kabel Jawa-Sumatra-Kalimantan
Sistim kabel Jawa-Sumatra-Kalimantan (Jasuka) adalah kabel komunikasi bawah laut sapanjang 354 kilumitir nang tabantang sapanjang dairah Jawa, Sumatra, wan Kalimantan.[1] Jasuka dianggiti ulih PT Telekomunikasi Indonesia (Telkom).[1] Pambangunan kabel Jasuka marupakan palihan matan tujuan Telkom gasan mambangun Nusantara Super Highway, yaitu paningkatan jangkauan telekomunikasi sampai 90% wilayah di Indunisia wayah tahun 2015.[1]
| Barakas:Jasuka.jpg | |
| Janis kabel | Fibre-optic |
|---|---|
| Mula diulah | 2009 |
| Tuntung diulah | 2011 |
| Muatan pambanyaknya | 10 gbit/s, ditambah menjadi 40 gbit/s |
| Paulah | Nokia Siemens Network |
| Titik pandaratan | Jakarta, Indonesia Port Hedland, Western Australia |
| Jangkauan | Jawa-Sumatra-Kalimantan |
| Anggit | Telekomunikasi Indonesia (Telkom) |
Dalam panggawiannya, Telkom bagawi baimbai lawan pausahaan infrastruktur tilikumunikasi, Nokia Siemens Network, lawan kuntrak nang dirasmiakan wayah tahun 2009.[2] Alasan Telkom mangganding mitra gawi Siemens Network adalah pausahaan ngitu mamakai tiknulugi Dense Wavelength Division Multiplexing (DWDM).[2] Tiknulugi ngitu baisi jaringan optikal hiT 7300 nang diparcaya maimit biaya lawan manjuhut tiknik no dispersion compensation (DCM-Free) di jaringan sarat optik.[2] Suwalih ngitu, kuntrak nang dianggiti Telkom lawan Siemens mancakup survei, instalasi, komisioning, wan integrasi pakakas DWDM ka Telkom.[2]
Sabalumnya, kabel ngini baisi muatan bawaan sabanyak 10 gigabit par datik, imbah ngitu wayah tahun 2011 mandapatakan paningkatan sabanyak 40 gigabit par datik (40G).[1] Lawan damintu, kabel Jasuka ditaksir marupakan kabel laut 40G pamanjangnya di dunia.[1]