Buka menu utama
Semangkuk soto Betawi siap santap.

Soto, sroto, sauto, tauto, atawa coto adalah makanan khas Indonesia nang kaya sup yang tabuat dari kaldu daging dan sayuran. Daging nang paling rancak dipakai adalah daging sapi wan ayam, tatapi ada jua nang mamakai daging babi atawa kambing. banyak banar daerah di Indonesia baisi soto khas dairahnya masing-masing lawan campuran nang babida-bida, nang kaya soto Madura, soto Kediri, soto Pemalang, soto Lamongan, soto Jepara, soto Semarang, soto Kudus, soto Betawi, soto Padang, soto Bandung, sroto Sokaraja, soto Banjar, soto Medan, dan coto Makassar. Soto jua dibari ngaran sasuai isinya, misalnya soto ayam, soto babat, atawa soto kambing. Ada jua soto nang diulah dari daging batis sapi yang disambat lawan soto sekengkel.

Cara manyajiakan soto babida-bida sasuai kaunikan di satiap dairah. Soto biasa dihidangakan lawan nasi, lontong, ketupat, mi, atawa bihun. sakira manambah kanyamanan soto, biasanya dicampui lawan bamacam-macam iwak, misalnya karupuk, perkedel, emping, sambal, dan sambal kacang. Ada jua nang manambahkan hintalu puyuh, sate kerang, jeruk limau, bamacam-macam sangaan (tempe, tahu, bakwan) wan koya.