Tahun puga Cina
Tahun Puga Cina atawa Tahun Puga Imlék adalah parayaan nang paling panting gasan urang Cina. Parayaan tahun puga ngini dimulai wayah hari panambaian bulan panambaian (Bahasa Cina: 正月; pinyin: zhēng yuè) di pananggalan Cina, tuntungnya imbah Cap Go Meh 十五冥 元宵节 di tanggal kalima walas (wayah bulan purnama). Malam tahun puga Cina dipinandui sawagai Chúxī nang artinya "malam baugahnya tahun". Di Cina, adat wan tradisi wilayah nang baraitan lawan parayaan Tahun Puga Cina banyak macamnya. Tagal, banyak jua nang sama matan sabarataan kabiasaan nang banyak ngitu, nang kaya pasurungan makan wayah malam tahun puganya lawan malikit kambang sarai.
| Tahun puga Cina | |
|---|---|
.jpg) Kambang sarai di Palabuhan Victoria di Hong Kong; Kambang sarai wan laduman adalah palihan taradisiunal parayaan Tahun Puga Cina. | |
| Dirayaakan ulih | Urang Tionghoa wan garumbung Sinofon |
| Jenis | Budaya Kaagamaan (Kaparcayaan taradisiunal Tionghoa, Buddha, Konghucu, Daois, sapalih garumbung Karistin) |
| Parayaan | Barungsai |
| Tanggal | Hari panambaian wayah bulan panambaian Almanak Cina (di intangan 21 Januari wan 20 Pibuari) |
| Tahun 2023 | 22 Januari |
| Frekuensi | tahunan |
| Tarait lawan | Cap Go Meh (parayaan nang mawarihi parayaan Tahun Puga Cina) |
| Tahun puga Cina | |||||||
|---|---|---|---|---|---|---|---|
| Hanzi tradisional: | 農曆新年 | ||||||
| Hanzi sadarhana: | 农历新年 | ||||||
| Makna harfiah: | tahun baru kalender pertanian | ||||||
| |||||||
| Ngaran alternatif | |||||||
| Hanzi tradisional: | 春節 | ||||||
| Hanzi sadarhana: | 春节 | ||||||
| Makna literal: | perayaan musim semi | ||||||
| |||||||
Di Tiongkok, adat, wan taradisi wilayah nang bakaitan lawan parayaan tahun puga Cina liwar bamacam-macam. Tagal, sabarataan banyak babagi tima umum kaya panyurungan makan malam wayah malam tahun puga, wan panyalukutan kambang sarai. Saupama pananggalan Imlek sacara taradisiunal kada mamakai numur tahun malar, pananggalan Tionghoa di luar Tiongkok rancak dinumuri matan pamarintahan Huangdi. Sakadanya wayah ngini ada talu tahun baangka 1 nang dipakai ulih bamamacam ahli, jadi wayah tahun 2017 Masihi, "Tahun Tionghoa" kawa jadi tahun 4715, 4714, atawa 4654.
Dirayaakan di banua-banua nang banyak panduduk Cinanya, Tahun Puga Cina dianggap sawagai hari parai ganal gasan urang Cina wan ganal ujaknya ka nagari-nagari nang parak andakannya lawan Cina nang kaya Koréa, Mongolia, Népal, Bhutan, Viétnam, wan Japang (sabalum 1873). Di Cina Daratan, Hong Kong, Makau, Taiwan, Singapura, Indunisia, Malaysia, Pilipina, Thailand, wan nagari-nagari lain atawa daérah jumlah panduduk Cina Han nang banyak, Tahun Puga Cina dirayaakan jua, wan di darajat-darajat tatantu, sudah jadi palihan budaya taradisiunal nang ada di situ.