Ujék

Ujék atawa ujik adalah transportasi umum inpurmal di Indonésia nang barupa sapida mutur atawa sapida, tagal labih rancak barupa sapida mutur. Disambat inpurmal marga kabaradaannya kada diakui pamarintah wan kadada ijin gasan panguprasiannya. Panumpang biasanya sa'ikung haja tagal bahanu kawa jua badua. Lawan haraga nang ditantu'akan lawan tawar-manawar lawan supirnya dahulu imbah ngitu si supir langsung ma'antar ka tujuan nang dikahandaki panumpangnya.

Saurang pangamudi ujék di pangkalan ujék.

Ujik banyak dipakai ulih panduduk kuta-kuta ganal misalnya di Jakarta. Marga kalabihannya lawan angkutan lain yato labih hancap wan hingkat maliwati sala-sala kamacitan di kuta. Salain ngitu hingkat manjangkau dairah-dairah lawan gang-gang nang kipit wan ngalih disusuri ulih oto. Rancak buhannya mangkal di simpangan jalan nang rami, atawa di jalan masuk parumahan.

Ujék sapida jarang banar didapati. Tagal di Jakarta yato di Kuta wan Tanjung Priok magin banyak ujék sapida nang ba'operasi walau wastu bajarak handap. Wayah ngini ujik kada wastu nang kunpinsiunal haja tagal sudah manjamah ka ujik daring atawa ojol.

Ujék di luar Indonésia

Ujék di Bangkok. Para pangamudinya wajib mamuruk saragam bawarna jingga.

Ujek kawa jua didapatakan di babarapa nagara lain di luar Indoneéia, tamasuk India, Thailand, wan Britania Raya. Babida lawan Indonésia, layanan ujék di nagara-nagara itu ada nang marupakan layanan transportasi umum rasmi.