Ulimpiada Musim Panas 2024 (bahasa Prancis: Jeux olympiques d'été de 2024) sacara rasmi bangaran Games of the XXXIII Olympiad wan sacara awam disambat Ulimpiada Paris 2024 adalah paturaian malumbar urat antarabangsa tatambaian nang cagar diadakan di Paris, Parancis wayah 26 Juli sampai 11 Agustus 2024.[1]
Paris sabalumnya suah jadi tuan rumah Ulimpiada 1900 wan Ulimpiada 1924, manjadiakan Paris sawagai kuta kadua nang suah jadi tuan rumah nang sudah maadakan Ulimpiada sabanyak talu kali imbah London (1908, 1948, wan 2012). Tadapat 5 bakal kuta nang maajuakan diri gasan pamilihan malumbar urat nang diadakan wayah dalam sidang awam KOI, tagal Hamburg, Roma, wan Budapest maundurakan diri, wan tasisa Paris Los Angeles sawagai dua bakal pauncitan. Parupusal kuta tapilih nang cagar maadakan Ulimpiada Musim Panas 2024 wan 2028 ditarima di sidang awam luar biasa IOC nang diadakan wayah 11 Juli 2017.[2] Wayah 31 Juli 2017, IOC manantuakan lamun Los Angeles cagar jadi tuan rumah Ulimpiada Musim Panas 2028 wan manjadiakan Paris sawagai tuan rumah Ulimpiada Musim Panas 2024.[3]
