Verawaty Wiharjo

Verawaty Wiharjo (Jakarta, 1 Oktober 1957) dikanal juwa lawan ngaran Verawaty Fajrin imbah inya kawin lawan Fajrin Biduin Aham pada tahun 1979. Verawaty lulusan IKIP Negeri Jakarta ngini adalah pamain bulutangkis tunggal dan ganda. Inya balajar main bulu tangkis matan umur 7 tahun lawan kuitannya. kalihaiannya dalam main bulutangkis sakalinya dipakulihnya dari Kuitannya. Gani Wiharjo atawa Oey Joen Ho, abahnya Verawaty adalah juara tunggal turnamen Sin Ming Hui pada tahun 1948. Els, mamanya parnah umpat kajuaraan PBSI (Persatuan Bulu Tangkis Indonesia) sampai babak paampiha pada tahun 1959 di Malang.

Rahat umur 10 tahun (1967) Vera jadi pamanang tingkat kananakan sa-Jakarta Raya. Tahun 1974 tapilih jadi pamain harapan pada kajuaraan nasional di Semarang. Ngarannya tarkanal tahun 1976 imbah Inya mangalahakan Chen Yu Niang, pamain RRC yang kada suah kalah matan dahulu, di kajuaraan invitasi Asia di Bangkok. Tahun 1978 Vera bapasangan lawan Imelda manang di All England wan turnamen tabuka di Denmark, Asian Games VIII di Bangkok mangalahakan pasangan RRC Chiu Yu-feng/Cheng Hui-ming. Vera pamanang pamulaan di Silver Bowl di Melbourne Australia, wan pamanang tunggal babinian di Kajuaraan Bulutangkis Dunia II di Jakarta.[1]


Rujukan babak

  1. ^ cite bookShadily, Hassan (1984). Ensiklopedia Indonesia. Jakarta: Ichtiar Baru- van Hoeve. hlm. 3919.