Wikipidia:Mangudak Wadai/Patakunan
edit
Pasal Téknis
- Lumba ini bulih mamakai kudakan HP atawa musti kudakan digital (DSLR/Mirrorless)?
- Pian bulih mamakai kudakan HP atawa kudakan digital. Kadada watasan.
- Apakah ulun bulih mamakai aplikasi Photoshop atawa aplikasi lainnya gasan mambabak gambar kudakan sabalum ulun maunggahnya?
- Bulih. Pian dibulihakan manggawi pambabakan lawan parangkat lunak apa pun nang hanya sampai maubah kanyarakan/kontras (brightness/contrast) wan saturasi warna kada balabihan. Hindari paubahan warna nang talalu liwar. Ini lumba poto, lain lumba mambabak gambar digital.
- Ulun baisi koleksi kudakan wadai/gangan/masakan Banjar tapi wayah mangudak, lain pas bulan puasa. Apa bulih ulun umpat lumba?
- Kawa haja. Pian bulih maunggahnya wan maumpatakan hasil kudakan Pian dalam lumba.
- Ada batasan jumlah poto nang diunggah?
- Kadada. Tapi amun handak masuk dalam 6 (anam) basar pamanang, Pian musti maunggah poto nang bakualitas baik minimal 10 (sapuluh) janis/objék wadai/gangan/masakan, lain 10 poto tapi janis/objék wadai/gangan/masakannya kurang matan 10.
- Di mana ulun harus maunggah poto kudakan gasan diumpatakan dalam lumba Mangudak Wadai?
- Pakai paunggah khusus pada laman ini. Tapi sabalum maunggah poto, jangan lupa daptar dahulu di sini supaya tacatat jadi pasarta lumba.
- Ulun balum paham pasal lisénsi CC-BY-SA 4.0. Di mana ulun kawa mambaca panjalasannya?
- Silakan janaki panjalasan lisénsi di sini
- Apakah ada biaya gasna umpat acara ini?
- Kadada. Acara ini gratis kada babayaran.
- Ulun baisi patakunan lain, ka mana ulun kawa batakun?
- Samunyaan patakunan tarait lumba kawa dikirimakan malalui surél banjar@wikimedia.or.id