Wikipidia:WikiSalman

Spanduk WikiSalman

Laman tatambaian

Hadiah

Parukunan turai

Daptar artikal

Tatakunan

Indunisia marupakan sabuting nagara nang baisi banyak flora wan fauna nang bamacam-macam. Flora wan fauna ngini tasabar di samunyaan wilayah Indunisia, lain pada ngitu jua suku-suku nang ada di Indunisia ni baisi ngaran nang balain-lain gasan manyambat flora wan fauna tadi.

Wikipidia basa Banjar surang baisi 64 artikal flora wan fauna, tapi artikal-artikal ngini banyak nang masih babantuk artikal rintisan nang kada tapi langkap, lalu kainanya maulah pambaca jadi sadikit haja kawa manjuhut habar matan artikal-artikal ngitu tadi. Ihwal tadi nyata banar balainan lawan papadah matan Wikipidia basa Banjar yakni "Kindai Pangatahuan", maraga artikal nang mambahas flora wan fauna tadi kada tapi langkap wan jua artikal-artikal nang mambahas flora wan fauna di Wikipidia basa Banjar masih sadikit.

WikiSalman marupakan turai manulis di Wikipidia basa Banjar nang batujuan mangambangakan atawa jua manambahakan artikal hanyar batupik flora wan fauna. Ihwal ngini didasarakan matan kurangnya artikal flora wan fauna dalam Wikipidia basa Banjar tadi, khususnya artikal flora wan fauna Kalimantan Selatan.

Tanggal Panting

Pandaptaran, turai dimulai, wan panilaian artikal: 14 Pibuari - 26 Marit 2023.
Pamadahan klasemén pahadangan: 28 Pibuari 2023
Pamadahan paris: 20 Marit 2023

Katantuan Umum

1. Turai ngini basifat individu atawa sorang-sorangan.
2. Pian wajib mamatuhi kabijakan ruang ramah acara Wikimédia Indonésia.
3. Warga Nagara Indunisia (WNI) wan bagana di Indunisia.
4. Baumur minimal 17 tahun haratan turai dimulai (par 14 Pibuari 2023).
5. Pian kada kawa maumpati turai ngini, amun:
   • Marupakan staf, konsultan, pangurus, pangawas Wikimedia Indonesia, Wikimedia Foundation, wan afiliasi Wikimedia lainnya.
   • Marupakan panarima program Hibah Paket Internét, Dana Wiki, wan Dukungan Laptop dan Internet Wikimedia Indunisia nang lagi aktif.
   • Marupakan panarima beasiswa daring atawa dukungan laptop wan internét Wikimédia Indonesia nang balum manuntungakan gawiannya
   • Marupakan pamanang utama turai nang diadakan Wikimédia Indonésia dalam talu tahun pahabisannih.
     • Proyék Saraswati.
     • EUforia Wiki4Climate.
     • Wiki Jelajah 2.0.
     • WikiTeroka 1.0.
     • EUforia Wiki4HumanRights.
     • Proyék Jatayu.
     • Wiki Cinta Budaya 2020.
     • Wiki Cinta Alam 2020 dan 2022.
     • EUforia Wiki4Women.
     • WikiKaleidoskop.
6. Amun Pian ada nang handak ditakunakan atawa dibingungakan parihal téknis atawa kabijakan, Pian kawa mahabari panitia di alamat surél banjarwikimedia.or.id.
7. Panitia baisi hak gasan mendiskualifikasi Pian amun mangganggu kalancaran turai ngini.
8. Kabijakan panitia wan juri basifat final wan kada kawa diganggu gugat.

Caranya umpat

	Mandaptar malalui tautan nang ada. Pian cukup mandaptarakan diri sakali wara haratan turai.
	Mamilih pakét wan manggawi tantangan sasuai lawan pilihan pakét. Pian dibulihakan manggawi pakét pangambangan artikal atawa maulah artikal hanyar di Wikipedia basa Banjar.
	Maisi borang klaim poin sasuai lawan pakét nang Pian gawi, malalui tautan nang ada.
	Panitia pacangan mamastiakan klaim poin Pian apakah sah atawa kada, wan mancatat ka dalam sistim. Poin dianggap sah lamun digawi sasuai lawan pilihan pakét nang disadiakan. Waktu manggawi artikal mamakai Waktu Indonésia bagian Tangah (WITA).
	Panitia pacangan mahanyari daptar klasemen pahadangan di média sosial Wikipedia Banjar haratan turai hudah bajalan dua minggu.
	Hadiah nang kawa Pian dapat kawa diitihi di subhalaman Hadiah.

Picik di sini gasan mandaptar Picik di sini gasan klaim poin