Wikipidia basa Banjar
Wikipedia basa Banjar yaitu insiklupidia daring Wikipidia khusus basa Banjar wan manjadi bagian matan Wikipidia Indunisia. Wikipidia basa Banjar umumnya maumpati paraturan-paraturan dasar Wikipidia basa Indunisia. Wikipidia basa Banjar dilungsurakan gasan publik lawan komité basa pawadahan Wikimédia wayah tanggal 17 Uktubir 2010.
 | |
Jenis situs | Rangka-gawi insiklupidia internét |
|---|---|
| Basa | Banjar |
| Markas | Miami, Florida |
| Anggit | Yayasan Wikimedia |
| Tungkaran web | bjn.wikipedia.org |
| Daptar akun | Upsiunal Diparluakan gasan maulah artikal hanyar |
Sajarah
babakParjalanan Wikipidia basa Banjar mamarluakan waktu nang panjang. Mulanya diulah sabuting laman tatambaian ulih salah sabuting pamakai wayah tanggal 24 Nupimbir 2008. Imbah ngitu, laman ngini dialihbasaakan ulih Zajuli Rahman (sabagai pamakai panambaian bahasa Banjar) dalam babarapa hari. Wayah masa ngitu sidin wara nang manyumbang gasan Inkubator Wikipidia basa Banjar.
Ayungannya babarapa pamakai nang asalnya matan Wikipidia basa Indunisia masuk wan manyumbang dalam basa Banjar liwar cangkal. Bamula matan kampanye nang digawi ulih Arief supaya Inkubator Wikipidia basa Banjar kawa dilungsurakan manjadi Wikipidia basa Banjar wayah patangahan bulan Pibuari. Sampai ayungannya dirasa sasuai lawan syarat kalayakan sabuting Wikipidia wan dimulaakan bacangkurah nang bakasimpulan amun Inkubator Wikipidia basa Banjar sasuai sabagai Wikipidia. Wayah tanggal 25 Siptimbir 2010, Komite basa Yayasan Wikimedia manyataakan bahwa Rangka-gawi Inkubator Wikipidia basa Banjar ditarima wan hanyar tanggal 17 Uktubir 2010, situs Wikipidia basa Banjar dirilis.
