Wiktionary

Wiktionary atawa Wikikamus adalah salah sabuting proyek dangsanak Wikipedia nang ditujuakan sabagai kamus wiki bibas (tamasuk tesaurus wan leksikon) dalam samunyaan bahasa. Wiktionary dalam idisi bahasa Inggris (en.wiktionary.org) pamulaan dibuka pas 12 Desember 2002 sabagai tindak lanjut proposal Daniel Alston. Pas 29 Maret 2004, wiktionary dalam edisi basa lainnya, yaitu Prancis wan Polandia, mulai dibuka. Mulai wayah itu, wiktionary dalam edisi bahasa nang lainnya pun mulai dibuka. Pamulaannya, wiktionary bainduk di URL samantara sampai pahabisannya pas 1 Mei 2004 dipindahakan ka URL penuh.

Wiktionary disadiakan gasan

manjalasakan arti kata, istilah, wan singkatan
tesaurus lawan cara manampaiakan sinonim
manarjemahkan kata-kata matan sabuting basa ka basa lainnya.

Kada kaya kamus biasanya nang monolingual/ekabasa atawa bilingual/dwibasa, Wiktionary marupakan kamus multilingual/multibasa wan internasional, nang artinya batujuan gasan mancakup satiap kata matan samunyaan basa nang dikatahui wan manggawinya dalam bamacam bahasa. Sabagai cuntuh, Wiktionary edisi basa Inggeris baisi entri/lema matan bamacam bahasa, tapi ditulis dalam basa Inggeris. Wiktionary idisi basa Banjar baisi jua artikel-artikel nang sama lawan idisi basa Inggeris, tapi artikelnya ditulis dalam basa Banjar.

Nang maulah lain antara Wiktionary lawan Wikipedia adalah bahwa kabanyakan entrinya diawali lawan huruf halus. Sabagai cuntuh, entri lawan huruf halus i wan huruf ganal I balain.

Kamus Wiki

Di halaman ini pian kawa mancari arti kata sabuting lemma atawa entri dalam bahasa Indonesia. Apabila pian handak menyumbang entri, maka hal ngini kami hargai banar. Di bawah adalah sapalihan matan daftar kata-kata dalam basa Banjar manurut susunan abjad:-

Parlu ditikinakan di sini bahwa kata-kata nang dimuat di dalam daftar kata ngini adalah kata-kata matan kosakata basa Banjar. Jadi kami baharap, nama-nama tokoh, nagara wan hal-hal lainnya jangan dimasukakan di sini.

Daftar kata ngini diulah gasan artikel-artikel nang kada baisi halaman panghubung sakira jangan jadi artikel yatim.

Parlu jua ditikinakan di sini sakira jangan asal maambil hak karya urang nang lain nang dilindungi di bawah Undang-Undang hak cipta. Tolong senantiasa memberikan sumber informasi apabila memungkinkan!

Lihati jua

Daftar kata

Pranala luar

(Bahasa Inggris) Wiktionary en
(Bahasa Indonesia) Wiktionary id
(Bahasa Inggris) Wiktionary di Wikimedia (daftar wiktionary)