Zaman Besi

Zaman Besi marupakan zaman prasejarah haratan besi manggantiakan parunggu sabagai lugam utama. Dalam arkeologi, Zaman Besi adalah sabuting tahap parkambangan budaya manusia nang mana pamakaian besi hagan meulah alat wan sanjata duminan banar. Pamakaian bahan hanyar ngini, di dalam suatu masyarakat rancak mancakup paubahan praktik bahuma, kaparcayaan agama, wan gaya seni, walaupu hal ngini kada rancak tarjadi.

Atap paninggalan Zaman Besi di Hampshire, Britania Raya

Zaman Besi adalah pariudi utama pauncitan dalam sistim tiga zaman hagan mambagiakan masyarakat prasejarah, nang didahului ulih Zaman Parunggu. Wayahnya balangsu wan kuntiks zaman ngini balain, targantung lawan negara atawa andakan giugrapis. Sacara klasik, Zaman Besi dianggap dimulai haratan Zaman Kegelapan Yunani pads abad ke-12 SM wan Timur Tengah Kuno, abad ke-11 SM di India, wan antara abad ke-8 SM (Eropa Tengah) wan abad ke-6 SM (Eropa Utara) di Irupa. Zaman Besi disambat ampih lawan kabangkitan kebudayaan Hellenisme wan Kekaisaran Romawi, atawa Zaman Pertengahan Awal hagan kasus Irupa Utara.

Zaman Besi bahubungan lawan sabuting tahap nang mana pruduksi besi adalah salah sabuting bantuk paling rumit matan karajinan logam. Kakarasan besi, titik lebur nang tinggi, wan sumber bijih besi nang malimpah, maulah besi dipilih wan murah matanpada parunggu, nang mamangaruhi dipilihnya besi sebagai logam nang paling umum dipakai. Karana karajinan besi dipinanduakan sacara langsung ka Amarika wan Australasia ulih kolonialisasi Irupa, dairah-dairah nangitu kada suah maalami Zaman Besi.

Pranala luar

• (Bahasa Inggris) Resourcesforhistory.com: A site with a focus on Iron Age Britain Archived 2008-06-11 at the Wayback Machine