Bal suduk
Bal suduk atawa biliar adalah sabuting cikang malumbar urat nang masuk dalam macam cikang malumbar urat kunsintrasi, jadi liwar diparluakan katahanan wan pamahaman pikiran nang bujur wan musti ditunjang ulih kamampuan awak nang wigas anggaran kawa bapristasi tatinggi wan satabil.
Cikang malumbar urat ngini dimainakan di atas mija wan lawan pakakas bantu husus wan paaturan saurang. Pamainan ngini tabagi matan babarapa macam, antara lain macam Carom, English Billiard, wan Pool. Kawa dimainakan sacara paurangan kawa jua bakalumpuk.
Sawagai cuntuh, macam Carom dimainakan di mija nang kada baisi luang sama sakali. Ngini lain lawan macam English Billiard wan Pool nang dimainakan di mija nang baisi luang sabanyak 6 buting. Saupama sama-sama baisi 6 buah luang, ukuran atawa luas mija antara English Billiar wan Pool jua balain-lain, taligar mija macam English Billiard.
Sampai damini, tahun 2008, nang liwar bakambang di Indunisia adalah macam Pool nang ngitu jua masih tabagi dalam Numur bal 15, bal 8, wan bal 9. Dahulu, di Indunisia, bal suduk idintik lawan ulahraga nang rancak dimainakan lawan bubuhan lalakian haja. Tagal, damini banyak bibinian nang mulai mangatujui ulahraga bal suduk. Adalah Bapak Putera Astaman, bakas Katua Umum PB. POBSI, nang bakulih manaikakan citra ulahraga bal suduk, di Indunisia matan Sahibar Ulahraga Hiburan jadi Ulahraga Pristasi.
Bal suduk, macam Pool sudah bakambang jadi sabuting cikang malumbar urat nang kawa umpat maharumakan ngaran bangsa Indunisia. Cuntuhnya, wayah World Pool Championship (paturaian dunia bal suduk janis pool gasan numur bal 9) tahun 2006 sumalam, pamain kaya Ricky Yang, M. Zulfikri bakulih masuk ka bubuhan 32 ganal pamain dunia. Roy Apancho bakulih masuk ka bubuhan pamain 64 ganal dunia. Apsi Chaniago bakulih masuk ka bubuhan pamain 128 ganal dunia.
Wayah paturaian malumbar urat antarabangsa SEA Games XXIV, 2007 nang lalu, tajadi kajutan paningkatan pristasi sacara luar biasa jua di cikang malumbar urat bal suduk janis Pool, lawan mampunya diraih Madali Amas numur bal 8, Bibinian Paurangan sakaligus Madali Perak numur bal 9, Bibinian Paorangan ulih saikung Atlit Umur Anum, yaitu Angeline Magdalena Ticoalu wan Madali Amas numur bal 9, Lalakian Paorangan ulih Ricky Yang.