Cincin (wadai)
Cincin atawa wadai cincin tu wadai 41 macam urang Banjar wan tamasuk wadai nang tuha umurnya.[1]
Di Kabupatin Hulu Sungai Tangah, ada kampung nang dipinandui sabagai pusatnya wadai cincin, yaitu kampung Maringgit wan Muara Rintis nang baandak di pinggir jalan nagara. Saban hari, banyak warga kampung nang bajualan wadai cincin. Wadai cincin nang ada di kampung ini disanga langsung di hadapan wan kawa dimakan wayah masih hangat. Ada dua rasa nang biasanya dijual, yaitu rasa asli (gula habang) lawan parisa durian. Wadai cincin nang dijual di sini tahalus pada wadai cincin nang dijual di wadah lain.[2]
Makna
babakWadai cincinnya urang Banjar babantuk bulat, nangkaya lingkaran. Di bagian dalam wadai nangitu tahaga ampat luang. Kaampat luang di wadai nangitu babantuk nangkaya cicin. Makanya itu wadai nangitu dingarani wadai cincin. Wadai cincin jadi simbul matan alam subalah. Adanya ampat luang pada wadai nangitu bamakna adanya ampat panjuru mata angin, yaitu timur, barat, utara, wan salatan.[3]
Gasan manusia, ampat panjuru mata angin nangitu artinya patanda kahidupan. Siklus alam tatap bamula matan ampat panjuru nangini. Ampat panjuru nangini dalam kahidupan jua malambangkan kasaimbangan alam sakitar. Salain itu, diyakinakan jua amun lawan adanya ampat cincin pada wadai nangini sabagai palindung manusia matan urang gaib. Urang banjar mayakini bahwa urang gaib kada pacangan datang mausik manusia matan kaampat panjuru mata angin,yaitu timur, barat, utara, wan salatan.[3]
Rujukan
babak- ^ Seman, Syamsiar (2023). Wadai Banjar 41 Macam: Wadai Tradisional Ulahan Urang Banjar. Banjarmasin: Lembaga Pendidikan Banua Banjarmasin. hlm. 15–16. ISBN 978-602-96540-6-0 Periksa nilai: checksum
|isbn=(bantuan). - ^ "Mencicipi Kue Cincin di Maringgit Kabupaten HST, Penjual Tawarkan Dua Varian Rasa". Banjarmasinpost.co.id (dalam bahasa Indonesia). Diakses tanggal 2023-11-20.
- ^ a b Rahmawati, Neni Puji Nur,. Makna simbolik dan nilai budaya kuliner "wadai Banjar 41 macam" pada masyarakat Banjar Kalsel (edisi ke-Cetakan pertama). Yogyakarta. ISBN 978-602-1228-94-4. OCLC 957057293.