Inayatullah

Pangeran Dipati Tuha 1 barjanang Sultan Inayatullah atawa Sultan Indallah bin Sultan Mustain Billah adalah Sultan Banjar antara tahun 1642-1647.

Sultan Inayatullah
Ratu Agung Pangeran Dipati Tuha I
Masa kakuasaan	1642-1647
Pandahulu	Sultan Mustain Billah
Pangganti	Sultan Saidullah
Pasangan	Gusti Timbuk(Permaisuri) Danang Putih Nyai Mas Tarah
Wangsa	Dinasti Banjarmasin
Abah	Sultan Mustain Billah
Uma	Ratu Agung

Kubah Sultan Inayatullah

Waktu pamarintahan Ratu Agung, Pangiran Martasari bin Pangeran Mangkunagara sawat baniat marancanaakan mambalik arah tahta kasultanan bamula inya batulak ka banua Mendawai limbah nitu batarus handak batulak ka Mataram sagan maminta bantuan ka Mataram, tagal subalum kasampaian niatnya, inya garing ha balalu sumalah di Mandawai, limbah nitu janajahnya dibawa ka istana wan dipatak dalam kumplik istana Martapura. Pangiran Mangkunagara (Radin Subamanggala anak Putri Nur Alam) adalah anak bini nang utama tagal kada kawa menggantiakan abahnya jadi sultan maraga nang ayungannya menggantiakan Sultan Hidayatullah adalah Pangiran Senapati/Marhum Panembahan, anak matan bini nang lain, yaitu anaknya Tuan Khatib Banun. Marhum Panembahan/Sultan Mustain Billah adalah abahnya Sultan Inayatullah

Keturunan

Sultan Inayatullah baisi babarapa ikung bini/gundik. Bini utamanya adalah Gusti Timbuk binti Raden Aria Papati bin Sultan Hidayatullah I. Anak-anak Sultan Inayatullah yaitu :

1. Sultan Saidullah/Ratu Anum/Raden Kasuma Alam (anak panuwastu, baranak lawan gundik)
2. Putri Juluk 2 (anaknya Nyai Mas Tarah binti Tuan Haji Umar; bininya Pangeran Dipati Kasuma Mandura bin Ratu Kota Waringin)
3. Sultan Agung/Pangeran Suryanata II/Pangeran Dipati Anom II/Raden Kasuma Lalana (anaknya Gusti Timbuk)
4. Pangeran Purbanagara/Raden Kasuma Wijaya/Raden Huju (anaknya Gusti Timbuk; laki Putri Lanting binti Ratu Bagawan)
5. Gusti Sari Bulan (anaknya Gusti Timbuk; bininya Raden Yuda bin Panembahan di Darat)
6. Gusti Batar (anaknya Danang Putih; bininya Pangeran Dipati Tuha 2/Raden Halus bin Panembahan di Darat)

Hikayat Banjar

Sudah kamudian daripada itu ada satahun lamanya maka Marhum Panambahan itu sumalah. Sudah diastilahkan saparti adat raja-raja basar itu sakaliannya maka Pangeran Dipati Tuha manjadi raja, dinamai Sultan Hinayatullah. Maka nama nang disebut urang, nang dimasyhurkan, yaitu Ratu Agung. Adapun Marhum Panambahan itu mandapati barbuyut sapuluh urang. Partama Raden Buyut Lancap, kadua Raden Buyut Kasuma Banjar, katiga Raden Buyut Kasuma Matan - wastu nang bartiga itulah nang dinamai buyut ulih swargi Marhum Panambahan itu; lain daripada itu tiada dinamai buyut namanya itu; tiada dibarikan urang bawahan barnama buyut, sagala urang bawahan itu tiada barani manamai anak cucunya damikian itu -, kaampat Gusti Balura, kalima Raden Jayengrana, kaanam Raden Hugar, katujuh Raden Pajang, kadalapan Raden Pati, kasambilan Raden Kakatang, kasapuluh Gusti Cabang. Itu mandapati ampat puluh hari baru umurnya kapada swargi Marhum Panambahan itu. Ia itu anak Raden Balah baristerikan urang bawahan. Adapun Raden Buyut Kasuma Banjar tatkala swargi Marhum Panambahan sumalah itu ia sudah kapinggahan giginya tujuh bilah: ampat di atas tiga di bawah. Ingat-ingat lupa ia akan swargi Marhum Panambahan itu. Banyak nang tiada tarsuratkan. Maka karajaan Ratu Agung pun tataplah itu saparti karajaan swargi Marhum Panambahan itu astilah tahtanya. Tiap-tiap hari Sabtu itu masih dihadap urang pada sitilohor. Mangkubumi masih Kiai Tumanggung Raksanagara itu. Kiai Martaraga mati. Yang jadi jaksa itu Kiai Tisna; janang lawan Kiai Mas Kanduruan - itu ibunya saudara swargi Sultan Hidayatullah barlaki priayi Sumanap itu. Banyak tiada tarsebut. Maka Raden Balah itu diparisterikan lawan Putri Kumkuma. Sudah itu Raden Sutasoma diparisterikan lawan Gusti Hacil. Sudah itu tarsebutlah parkataan Pangeran Martasari pergi maadam ka Mandawai sarta manyuruh pergi ka Mataram minta bantu handak mambalik arah Ratu Agung itu. Maka dangan takdir Allah Pangeran Martasari itu sakit lalu sumalah di Mandawai. Mayatnya dibawa urang ka Martapura itu, dipatak di istana. Sudah itu maka Ratu Agung bakarja akan manggalar sakalian raja-raja nang mamegang pakarjaan. Maka Raden Sutasoma itu digalar ulih Ratu Agung Pangeran Singamarta. Sudah itu Pangeran Dipati Anta-Kasuma itu digalar ulih Ratu Agung dinamai Ratu Kuta Waringin. Maka Raden Kasuma Taruna itu digalar ulih Ratu Agung dinamai Pangeran Dipati Kasuma Mandura; itu masih di Martapura. Pangeran Dipati Anum itu disuruh Ratu Agung disebut Pangeran di Darat pada urang karana tampatnya diam di darat pada istana itu; maka sagala urang manyebut Pangeran di Darat. Sudah itu maka Raden Kasuma Raga digalar ulih Ratu Agung Pangeran Mas Dipati. Sudah damikian maka Pangeran Singamarta manggalar Raden Pamakas Raden Sutarta, Raden Marabut Raden Subangsa. Sudah kamudian daripada itu maka Ratu Kuta Waringin maatur kapada Ratu Agung handak mantuk ka Kuta Waringin. Maka Raden Buyut Kasuma Matan itu dibawa ulih Ratu Kuta Waringin, dibawa ka Kuta Waringin. Maka Ratu Agung manyarahkan akan desa-desa sabalah barat Banjar hingga Jalai. Maka Ratu Kuta Waringin pun pergilah, maka masuk Jalai, maka barbuat tampat itu dinamakan Sukamara. Maka kata Ratu Kuta Waringin: "Ini aku namakan Sukamara karana sabab sukanya ada maranya ada." Maka babarapa lamanya diam di sana maka Ratu Kuta Waringin pun mandarat ka Kuta Waringin itu, lalu diamlah di Kuta Waringin manatapkan tahta parintah di Kuta Waringin.

Keraton Kayu Tangi

Majunya padagangan Banjar maulah kamakmuran lawan kamagahan istana wan parangkatnya, maraga usaha wan pangulahan sahang, pikat, wan damar bamaju maumpati parmintaan pasar.

Jean Andreas Paravicini utusan nang dikirim VOC gasan audiensi lawan Sultan Banjarmasin saat itu menulis laporannya tentang keraton Sultan di Kayu Tangi :

“

.....mula-mula barisan tombak berlapis perak, dibelakangnya barisan tombak berlapis emas. Anggota penyambut mengiringi saya dan tiba dibahagian pertama keraton, lawan diiringi dentuman meriam dan musik nang merdu. Kemudian diiringi lagi oleh pengawal merah bersenjatakan perisai dan pedang. Setelah tiba dibahagian kedua keraton, disambut musik nang merdu serta diterima oleh pengawal nang lebih besar, dan diantarkan oleh pasukan pengawal biru kebahagian keraton nang merupakan ruang menghadap. Tidaklah dapat dilukiskan keindahan nang dipamerkan dalam upacara ini. Ruang menghadap nang dinding-dinding dan lantai-lantainya ditutup lawan permadani keemasan, jua piring-piring mangkok hingga tempat ludah dari emas. Tempat sirih dan bousette dari emas nang dihiasi nang tak ada bandingnya. Barisan pengawal pribadi Sultan. Selir-selir Sultan berhias emas intan nang mahal sekali, bangku indah nang tak terbanding, tempat pangeran-pangeran nang indah duduk, tempat duduk para pembesar kerajaan. Banyaknya alat kerajaan, pembawa senjata-senjata kerajaan dan lambang kerajaan, semuanya itu ditata, dihias lawan berlian nang mahal dan dihias lawan emas, dan akhirnya mahkota kerajaan Banjar nang terletak di samping Sultan, di atas bantal-bantal beledru kuning nang dihiasi denga rumbai-rumbai hingga membuat seluruhnya suatu pemandangan nang mengagumkan di dunia.

”

Rujukan

• Johannes Jacobus Ras, Hikayat Banjar terjemahan oleh Siti Hawa Salleh, Percetakan Dewan Bahasa dan Pustaka, Lot 1037, Mukim Perindustrian PKNS - Ampang/Hulu Kelang - Selangor Darul Ehsan, Malaysia 1990.

Referensi

Didahului ulih: {{{before}}}

Sultan Banjar 1642-16xx

Digantiakan ulih: {{{after}}}