Banyu tajun Madakaripura

Banyu tajun Madakaripura yéto sabuting banyu tajun nang ba'andak di Kecamatan Lumbang, Kabupatin Probolinggo, Pruvinsi Jawa Timur. Banyu tajun ngini yéto salah sauting banyu tajun di kawasan Taman Nasiunal Bromo Tengger Semeru. Banyu tajun sahingkat 200 meter ngini marupa'akan banyu tajun tatinggi di Pulau Jawa wan tatinggi kadua di Indunisia. Banyu tajun Madakaripura babantuk caruk nang dikulilingi bukit-bukit nang menitikakan banyu wayah sabarataan bidang tabingnya nang kaya layaknya wayah hujan, 3 di antaranya bahkan malancar labat maulah banyu tajun pulang.

Mailangi banyu tajun Madakaripura yéto sabuting hal nang harus dilakuakan ulih para panjalajah nang tulak ka Jawa Timur. Madakaripura kawa dihinggat matan Malang atawa Probolinggo. Matan Probolinggo Pian kawa naik bus ganal ka arah Tongas. Pian kawa mamadahi tujuan Pian lawan kundiktur bahuwa Pian handak mailangi banyu tajun nang ngintu wan Pian akan disatupakan di patigaan Tongas. Imbah turun, Pian harus malanjutakan paraunan lawan angkot nang sabalumnya Pian harus tawar.

Paraunan matan Tongas ka Madakaripura hibak lawann pamandangan nang harat wan jalan kada talalu nyaman. Tapi sabarataan ngintu akan tabayar pabila panjalajah imbah sampai di lawang garbang Madakaripura. Kadada tiket masuk tatapi Pian akan ditawari mamakai jasa pamandu lukal nang kawa jua mambawaakan tas ampun Pian pabila dibutuhakan. Paraunan matan sini ka banyu tajun indah banar wan mamanjakan mata lawan pamandangan puhun-puhun ganal, udara nang sagar wan jua malalui sungai-sungai. Sapatu nang nahap, tahan banyu atawa sandal gunung disaranakan banar gasan paraunan ngini. Paraunan manampuh kurang labih 1 jam wayah kamudian Pian marasaakan dinginnya higa wan jua banyu nang bahindik-hindik ka awak Pian. Tumatan ngitu, baju ganti, jas hujan atawa payung disaranakan banar. Pian harus bajalan tajauh saikit gasan kawa manikmati banyu tajun tatambainya. Pian masih harus manaiki tabing nang talincar wan sasak. Tapi sabuting pulang ngintu akan tabayar lawan pas Pian maningau banyu tajun tatambaian nang balulungkang malingkar, jadi talihat nang kaya Pian barada di dalam butul. Indah banar.

Laginda nang ditamui matan Banyu tajun Madakaripura yéto Pian disaranakan gasan meninggalakan tampat ngini sabalum jam 14.00. Akan rancak tajadi hujan pada jam-jam ngini nang kawa mampengaruhi tingkat banyu di higa banyu tajun nang cukup babahaya wan mamungkinakan Pian ngalih maninggalakan tampat.

Imbah manikmati Madakaripura, Pian kawa babulik ka Tongas wan lalu ka Probolinggo. Atawa Pian kawa malanjutakan paraunan ka Gunung Bromo.

Banyu tajun ngini dibari ngaran matan Madakaripura, tanah perdikan ampun mahapatih Gajah Mada matan karajaan Majapahit.

Tautan luar

• (Bahasa Indonesia) Wisata Probolinggo