Kapul
Kapul baisian ngaran ilmiah Baccaurea macrocarpa. Buah Kapul tamasuk buah khas asli Kalimantan atawa urang manyambat buah indigenous nang takapinggirakan bahkan manpaat nutrisi di dalamnya dianggap kada talalu panting.[1] Ngaran lain nang dipinandui matan buah ini adalah Tampoi.[2]
Morfologi
babakRapun Kapul tingginya kurang labih 15 m, cikang-ikangnya babantuk payung nang rimbun, batangnya babantuk bulat, cikangnya mandatar, andakan cikangnya nang paling randah sakitar 5 m. Kulit batangnya tarasa kasar amun dijapai, baisian balang kacuklatan, gatahnya babalang cuklat, kantal lawan barikit. Daunnya majemuk, balang intangan atas hijau tuha mangkilap, daunnya mahadap ka atas, hujung daunnya curing, ukurannya sakitar 18,8 cm lawan libar 7 cm, tangkai daun babalang cuklat nang panjangnya 1,9 cm, bantuk daun lunjung mamanjang, pinggr daunnya rata, jarak antara daun ka daun sakitar 3 cm. Buah Kapul babantuk bulat nang rata, kulit buahnya halus amun dijapai, babalang cuklat, daging buahnya babalang putih, rasanya manis bacampur masam, tikstur daging buahnya baserat halus, babau harum, buahnya tahan disimpan sampai 7 hari.[1]
Habitat
babakKapul tamasuk tanaman asli atawa tanaman endemik nang kawa dtamuakan di dairah Kalimantan, Sumatra sampai ka Semenanjung Malaya.[2]
Manpaat
babakKulit buah Kapul baisian paluang gasan dijadiakan bahan sabun cair marga mangandung zat antibakteri. Kulit buah Kapul manurut panalitian mamanuhi syarat uji gasan djadiakan sabun cair, uji nang dimaksud ialah uji kastabilan pruduk, panggunaannya kada ngalih lawan tamasuk bahan alami.[3] Sipat Kapul manurut panalitian mangandung toksik atawa racun.[2]
Buah Kapul banyak mangandung unsur nang diparluakan awak manusia misalnya tanin nang bapungsi gasan anti aging atawa maulah awit muda. Alkaloid nang bapungsi gasan bapungsi gasan ubat farmakologis atawa maulah awak kada marasa sakit, lawan maulah tanang. Flavonoid nang bapungsi gasan antioksidan atawa mangurangi karusakan awak. Saponin nang bapungsi gasan manurunakan kolesterol.[4]
Buah Kapul mangandung vitamin C nang bagus gasan awak manusia, amun dibandingakan lawan buah lain nang sakaluarga misalnya buah Rambai, kandungan vitamin C dalam buah Kapul masih kalah.[5]
Wayah Covid-19 manyarang, banyak banar diparluakan ubat nang kawa manaikakan daya tahan awak matan panyakit lawan ubat nang mangandung antioksidan. Marga masalah ini, pati buah Kapul nang mangandung banyak antioksidan kawa diulah manjadi bantuk ubat babigi atawa tablet Effervescent.[6]
Buah Kapul kawa jua dimanpaatakan gasan kusmitik, kandungan antioksidan nang ada dalam buahnya bamanpaat gasan kulit muha, marga ini pati buah Kapul kawa diulah bahan masker muha.[7]
Catatan Batis
babak- ^ a b Akhmadi, Noor Roufiq; Sumarmiyati, Sumarmiyati (2015-07-04). "Exploration and characterization of kapul (Baccaurea macrocarpa) fruit in West Kutai District, East Kalimantan". Prosiding Seminar Nasional Masyarakat Biodiversitas Indonesia (dalam bahasa Inggris). 1 (4): 923–929. doi:10.13057/psnmbi/m010448. ISSN 2407-8050.
- ^ a b c Ningdyah, Arimbi Wahyu; Alimuddin, Andi Hairil; Jayuska, Afghani (2015-10-14). "UJI TOKSISITAS DENGAN METODE BSLT (Brine Shrimp Lethality Test) TERHADAP HASIL FRAKSINASI EKSTRAK KULIT BUAH TAMPOI (Baccaurea macrocarpa)". Jurnal Kimia Khatulistiwa (dalam bahasa Inggris). 4 (1). ISSN 2303-1077.
- ^ Mahdi, Nur; Putra, Farhandika; Manurung, Nuraini (2022-03-29). "FORMULASI DAN UJI AKTIVITAS SABUN CAIR ANTISEPTIK DARI EKSTRAK KULIT BUAH KAPUL (Baccaurea macrocarpa)". Jurnal Ilmiah Ibnu Sina (JIIS): Ilmu Farmasi dan Kesehatan. 7 (1): 10–18. doi:10.36387/jiis.v7i1.748. ISSN 2502-647X.
- ^ Madiyawati, Milad; Penyang, Penyang; Fauzi, Fouad; Triyadi, Antonius (2018-07-26). "Karakteristik Dan Uji Fitokimia 5 (Lima) Jenis Tumbuhan Buah Eksotik dari Kabupaten Barito Utara Kalimantan Tengah". Daun: Jurnal Ilmiah Pertanian dan Kehutanan. 4 (1): 47–54. doi:10.33084/daun.v4i1.105. ISSN 2356-0320.
- ^ Salusu, Daud (2020-12-09). "Kandungan Vitamin C pada Tiga Jenis Buah-Buahan Genus Baccaurea". Buletin Loupe. 16 (02): 12–16. doi:10.51967/buletinloupe.v16i02.237. ISSN 2580-5274.
- ^ Haryono, Ika Avrilina; Noval, Noval (2022-02-01). "Formulasi dan Evaluasi Tablet Effervescent dari Ekstrak Buah Tampoi (Baccaurea macrocarpa)". Jurnal Surya Medika. 7 (2): 34–44. doi:10.33084/jsm.v7i2.3201. ISSN 2655-2051.
- ^ Haryono, Ika Avrilina; Noval, Noval; Nugraha, Bayu (2021-02-15). "Formulasi Buah Tampoi (Baccaurea macrocarpa) dalam Sediaan Masker Gel sebagai Antiaging: Tampoi Fruits Formulation (Baccaurea Macrocarpa) in a Gel Mask Preparation as an Antiaging Agent". Jurnal Surya Medika (JSM) (dalam bahasa Inggris). 6 (2): 102–110. doi:10.33084/jsm.v6i2.2126. ISSN 2655-2051.