Kukulih
Kukulih atawa kokoleh tu wadai asli matan Banjar, Kalimantan Selatan. Wadai ngini diulah matan galapung baras, santan nyiur, sadikit banyu kapur, sahikit uyah wan daun pudak. Cara maulah wadai ngini talabih dahulu tumbuk daun pudak wan dikambuhakan banyu ladar. Habis itu paras wan ambil banyunya. Galapung baras dicampurakan wan banyu ladar, habis itu diharu bagimit sampai galapung baras maluluh. Kambuhakan banyu parasan daun pudak, sahikit uyah wan sahikit banyu kapur ka dalam tapung nang maluluh hingga semunyaan bahan manyatu lawan rata. Panasiakan banyu santan cair ka wajan lawan api halus sampai banyu mandidih imbah itu tuang adunan sambil diatur bagamatan sampai masak. Dinginakan wadai itu wan kuah nang isinya kambuhan banyu gula habang, santan, wan sahikit uyah.[1]
 Kukulih | |
| Banua asal | Indunisia |
|---|---|
| Dairah | Kalimantan Salatan wan wadah ganaan urang Banjar nangkaya di Kalimantan Timur, Kalimantan Tangah sampai ka Tambilahan, Riau. |
| Masakan nasiunal tarait | Indunisia |
| Diulah ulih | Suku Banjar |
| Suhu panyajian | Hangat |
| Bahan utama | tepung beras,tepung maizena,santan (saya 200 ml santan+ 175 ml jus pandan), gula merah, air, |
| Bahan nang umum dipakai | garam, gula pasir, lawan daun pandan |
Salain bawarna hijau, kukulih ada jua nang bawarna putih wan bawarna habang matan gula habang. Kukulih putih diulah matan gula putih, amun kukulih habang diulah matan gula habang.[2]
Referensi
babak- ^ Rahmawati, Neni Puji Nur,. Makna Simbolik dan Nilai Budaya Kuliner "Wadai Banjar 41 Macam" pada Masyarakat Banjar Kalsel (edisi ke-Cetakan pertama). Yogyakarta. ISBN 978-602-1228-94-4. OCLC 957057293.
- ^ Seman, Syamsiar (2023). Wadai Banjar 41 Macam: Wadai Tradisional Ulahan Urang Banjar. Banjarmasin: Lembaga Pendidikan Banua Banjarmasin. hlm. 26–27. ISBN 978-602-96540-6-0 Periksa nilai: checksum
|isbn=(bantuan).
