Kumpai Minyak
Kumpai minyak atawa Hymenachne amplexicaulis Haes, tamasuk ka dalam tanaman liar nang banyak dipakai gasan makanan binatang tarnak.[1]
Habitat
babakKumpai minyak katuju hidup di dairah baruh atawa banyu payau nang jaranih, tabuka, labih baik tumbuh di dairah nang tarandam banyu satinggi 1-2 m. Kumpai minyak baisi kamampuan baadaptasi di dairah nang banyak banyu.[1]
Manpaat
babakKumpai minyak banyak dikatujui binatang pamamah biak, marga ini kumpai minyak banyak dimanpaatakan gasan umpan tarnak pamamah biak nang kaya Hadangan.[1] Kumpai minyak nang jadi makanan tarnak, kada sapanjang musim tumbuh malimpah. Akibatnya, muncul masalah gasan buhan patarnak nang bagantung lawan Kumpai minyak gasan mambarimakani tarnaknya. Manyiasati masalah itu, Kumpai mnyak sabujurnya kawa diulah manjadi bantuk karing nang kaya wadai mari gasan diumpanakan ka tarnak.[2] Salain cara nang kaya itu, Kumpai minyak kawa jua dikabunakan lawan diharagu baik-baik, misalnya nang kaya dibari pupuk kompos. Manurut hasil panalitian, tanaman Kumpai minyak nang dibarai pupuk kompos tumbuh subur.[3] Kumpai minyak dalam kaadaan nang masih alami mangandung protein kasar sakitar 11,20%.[4] Manurut hasil panalitian, tarnak Sapi nang dibarimakani Kumpai minyak sabagai makanan utama, ditambah lawan probiotik tabukti kawa manaikakan barat awaknya sabanyak 0,75 kg saban hari.[5] Walaupun Kumpai minyak baisian manpaat nang bagus gasan binatang tarnak, tagal tatap baisian masalah. Kumpai minyak mangandung lignin nang banyak dalam rapunnya, kandungan lignin ini kada bagus gasan binatang tarnak, sulusinya ialah mancampur pupuk urea nang mangandung amoniak kadalam pakan tarnak, manurut hasil panalitian gawian ini kawa manurunakan kadar lignin nang ada dalam Kumpai minyak.[6]
Kumpai minyak nang tumbuhnya malimpah di dairah rawa, salain dijadiakan gasan makanan tarnak kawa jua djadiakan gasan bahan bakar. Bio-briket manjadi salah sabuting pruduk ulahan nang bahannya mamakai kumpai minyak, manurut panalitian Kumpai minyak mangandung nilai kalor nang mamadai gasan diulah bio-briket.[7]
Catatan Batis
babak- ^ a b c Akhadiarto, Sindu; Fariani, A (2013-06-17). "EVALUASI KECERNAAN RUMPUT KUMPAI MINYAK (Hymenachne amplexicaulis) AMONIASI SECARA IN VITRO". Jurnal Sains dan Teknologi Indonesia. 14 (1). doi:10.29122/jsti.v14i1.905. ISSN 1410-9409.
- ^ ., Riswandi; Imsya, A.; Sandi, S.; Putra, A.S.S. (2017-06-15). "Evaluasi Kualitas Fisik Biskuit Berbahan Dasar Rumput Kumpai Minyak dengan Level Legum Rawa (Neptunia Oleracea Lour) yang Berbeda". Jurnal Peternakan Sriwijaya. 6 (1). doi:10.33230/jps.6.1.2017.5071. ISSN 2303-1107.
- ^ Nopriani, W.; Syafria, H.; Devitriano, D.; Dwijayanti, R. S. (2022-06-12). "Optimasi Pupuk Kompos terhadap Pertumbuhan dan Hasil Rumput Kumpai (Hymenachne amplexicaulis (Rudge) Nees.)". Jurnal Peternakan Indonesia (Indonesian Journal of Animal Science). 24 (2): 143. doi:10.25077/jpi.24.2.143-149.2022. ISSN 2460-6626.
- ^ Syafria, H.; Jamarun, N. (2021-02-08). "Pengaruh Biourine dan Fungi Mikoriza Arbuskula terhadap Hasil Hijauan, Protein Kasar serta Fosfor Rumput Kumpai (Hymenachne amplexicaulis (Rudge) Nees) pada Lahan Bekas Tambang Batubara". Jurnal Peternakan Indonesia (Indonesian Journal of Animal Science). 23 (1): 1. doi:10.25077/jpi.23.1.1-6.2021. ISSN 2460-6626.
- ^ ., Riswandi; ., Muhakka; Lehan, M. (2015-06-15). "Evaluasi Nilai Kecernaan Secara In Vitro Ransum Ternak Sapi Bali yang Disuplementasi dengan Probiotik Bioplus". Jurnal Peternakan Sriwijaya. 4 (1). doi:10.33230/jps.4.1.2015.2298. ISSN 2303-1107.
- ^ Syafria, Hardi; Jamarun, Novirman (2019-01-12). "PENGARUH PEMBERIAN FUNGI MIKORIZA ARBUSKULA DAN PUPUK ORGANIK TERHADAP KANDUNGAN FRAKSI SERAT RUMPUT KUMPAI (Hymenachne amplexicaulis (Rudge) Nees.) PADA ULTISOL". Pastura. 7 (2): 106. doi:10.24843/pastura.2018.v07.i02.p11. ISSN 2549-8444.
- ^ Dyah Susanti, Pranatasari; Wahyuningtyas, Reni Setyo; Ardhana, Adnan (2015-03-30). "PEMANFAATAN GULMA LAHAN GAMBUT SEBAGAI BAHAN BAKU BIO-BRIKET". Jurnal Penelitian Hasil Hutan. 33 (1): 35–46. doi:10.20886/jphh.2015.33.1.35-46. ISSN 0216-4329.