Lalamas

Lalamas^[1] adalah serat parutain alami nang kawa ditanun manjadi tikstil. Janis sutra nang paumumnya adalah lalamas/sutra matan untup nang dihasilakan larpa hulat sutra murbai (Bombyx mori) nang diingu (patarnakan hulat ngitu disambat sirikultur). Sutra batikstur mulus, lambut, tagal kada lincar. Rupa bakilauan nang manjadi daya tarik (mambari kapingin) sutra baasal matan satruktur nangkaya prisma sagitalu dalam sarat ngitu tadi nang mambulihakan kain sutra mambiasakan cahaya pada bamacam-macam buncu.

"Sutra liar" dihasilakan ulih hulat salain hulat sutra murbai wan hingkai jua diulah. Macam-macam sutra liar dipinandui wan dipakai di Cina, Asia Salatan, wan Irupa tumatan jaman bahari, tagal sakala paruduksinya jauh labih halus tarus daripada sutra tarnakan. Sutra liar bida daripada sutra tarnakan matan sagi warna wan tikstur, wan untup liar nang dikumpulakan rancaknya sudah dirusak ulih gagat nang kaluar sabalum untup ngitu tadi diambil, maka banang sutra nang mambantuk untup ngitu sudah tapagat jadi handap. Hulat sutra inguan dibunuh lawan cara diculupakan ka dalam banyu manggurak sabalum kaluarnya ganga tuha, atawa dicucuk pakai jarum, maulah barataan untup kawa diurai jadi sagabar banang nang kada pagat. Ngini mambulihakan sutra ditanun jadi kain nang labih nahap. Sutra liar rancaknya tangalih diculup warna daripada sutra inguan.

Lalamas atawa sutra dikulihakan jua ulih babarapa macam karangga nang lain, tagal macam sutra matan hulat sutra haja nang dipakai gasan paulahan tikstil. Suah jua dijalanakan kajian kapada sutra-sutra lain nang manampaiakan pabidaan matan aspik mulikul. Sutra dihasilakan tautama ulih larpa karangga nang bamitamurpusis langkap, tagal jua dihasilakan ulih babarapa karangga tuha pariannya Embioptera. Paruduksi sutra rancak jua tahaba hususnya di karangga urdu hymenoptera (wanyi, tabuan, samut), wan bahanu dipakai gasan maulah sarang. Janis-macam arthropoda nang lain mahasilakan sutra jua, tautama arachnida pariannya laba-laba.

Tautan luar

Wikimedia Commons baisi tumbung pasal Lalamas

(Bahasa Inggris)Batik Sutera Indunisia Archived 2010-07-22 at the Wayback Machine
(Bahasa Inggris)Selendang Sutra
(Bahasa Inggris)Peternakan ulat sutra (lawan foto-foto)
(Bahasa Inggris)Peta perdagangan global sutra Archived 2007-12-02 at the Wayback Machine
(Bahasa Inggris)Produksi sutra mentah dan penenunan sutra^{[permanent dead link]}

Catatan batis

^ kata injaman matan lemes/lelemes (basa Jawa) dipakai dalam Hikayat Banjar

[1] ta injaman matan lemes/lelemes (basa Jawa) dipakai dalam Hikayat Banjar

[1]