Marataakan langkuk
Marataakan langkuk atawa marataakan kurva adalah cara kawigasan awam nang dipatuhakan wayah pandemi COVID-19. Langkuk nang dimaksut adalah langkuk wabah, pambadalan panjanakan (representasi visual) matan jumlah urang nang tajangkit nang mamarluakan paubatan sairing lawan pajalanan waktu. Wayah wabah, sistim kawigasan sabuah nagara kawa rabah (kolaps) lamun jumlah urang nang tajangkit labih matan jumlah kakakawaan sistim kawigasan (rumah sakit wan samacamnya) gasan manangani bubuhannya. Istilah "marataakan langkuk" artinya malambati jumlah pajangkitan salawas wabah, jadi jumlah urang nang mamarluakan pananganan bakurang, wan sistim kawigasan kada lucut. Tagal wayah wabah kawa jadi tapanjang (dibanding lamun banyak nang mati marga sistim kawigasan kada kawa manampung jumlah urang garing).
Cara ngini maandalakan tiknik pangandalian kaya pawatasan susial/awak, karantina diri saurang, sampai panyundukan wilayah. Langkah nang takait adalah lawan maningkatakan muatan sistim kawigasan,[3] lawan cara manambah jumlah pagawi/jam gawi tanaga kawigasan, lambaga kawigasan (rumah sakit, wan samacamnya), pakakas kawigasan (tampat guring, ventilator, wan samacamnya), gasan manangani jumlah pagaring nang mambangkak.[4]
Itihi jua
babakJujuhutan
babak- ^ Wiles, Siouxsie (2020-03-09). "The three phases of Covid-19—and how we can make it manageable". The Spinoff. Morningside, Auckland, New Zealand. Diarsipkan dari versi asli tanggal 2020-03-27. Diakses tanggal 2020-03-09.
- ^ Kasalahan pangutipan: Tag
<ref>tidak sah; tidak ditemukan teks untuk ref bernama:3 - ^ Osmosis.org; Lifebridge Health. Beating Coronavirus: Flattening the Curve, Raising the Line (YouTube video) (dalam bahasa Inggris). Diakses tanggal 2020-04-12.
- ^ Gelardi, Chris (2020-04-09). "Colonialism Made Puerto Rico Vulnerable to Coronavirus Catastrophe" (dalam bahasa Inggris). ISSN 0027-8378. Diakses tanggal 2020-04-12.