Mars (simbol: ♂) adalah palanit pamaraknya kaampat matan Matahari. Ngarannya dibibit matan diwa parang Rumawi, Mars. Palanit ngini rancak digalari jadi "palanit habang" marga nampak matan jauh bawarna pina habang. Ngini dimargaakan ulih kaandakan wasi(III) uksida di pamukaan palanit Mars.[1] Mars adalah palanit babatuan lawan atmuspir nang tipis. Di pamukaan Mars tadapat kawah, gunung barapi, danawan, gurun, wan tutudung is. Pariuda rutasi wan siklus musim Mars mahirip lawan Bumi. Di Mars badiri Olympus Mons, gunung paningginya di Tata Surya, wan Valles Marineris, danawan pangganalnya di Tata Surya. Suwalih ngitu, di balahan utara tadapat kulungan Borealis nang maliputi 40% pamukaan Mars.[2][3]

  1. ^ "The Lure of Hematite". Science@NASA. NASA. March 28, 2001. Diarsipkan dari versi asli tanggal 2012-09-14. Diakses tanggal 2009-12-24. 
  2. ^ Kasalahan pangutipan: Tag <ref> tidak sah; tidak ditemukan teks untuk ref bernama northcratersn
  3. ^ Kasalahan pangutipan: Tag <ref> tidak sah; tidak ditemukan teks untuk ref bernama northcraterguard