Minggu
Minggu adalah hari panambaian dalam sapakan. Kata Minggu babibit matan bahasa Purtugis, Domingo (matan bahasa Latin dies Dominicus, nang ba'arti "dia do Senhor", atawa "hari Tuhan kita"). Dalam bahasa Malayu nang labih pamulaan, kata ngini dihija sabagai Dominggu.[1] Hanyar intang parampihan abad ka-19 wan pamulaan abad ka-20, kata ngini dihija sabagai Minggu. Ngaran lain hari Minggu adalah Ahad nang baarti asa wan dijumput matan bahasa Arab (bahasa Ibrani: אֶחָד 'eḥāḏ, Arab: الأحـد ahad)). Dalam bahasa Ibrani kata ngini baarti "asa" atawa "pamulaan".
Kata minggu ("m" dalam hurup halus) baarti pakan, satuan waktu nang tadiri matan tujuh hari. Hari Minggu marupakan bagian matan pahabisan minggu.
Manurut International Organization for Standardization ISO 8601, hari Minggu adalah hari kapitu dalam sapakan. Cara gasan mawakili pananggalan wan waktu ngini sudah dipakai matan tahun 1988.