Naga Badudung
Naga Badudung adalah sabuting bantuk naga yang diulah matan kayu lawan gulu tagak, kapala datar, muntung manganga, mata manciling wan ilat manjulur.
Kapala naga babak
Patung nang kaya itu sampai wayah ini masih banyak diharagu ulih babarapa kalumpuk masarakat di Hulu Sungai, wan dirawat sacara ta'atur atawa wayah masa tatantu 'dibari' kambang.
Naga ngitu diandak di subalah palaminan pangantin, dipasang di haluan jukung yang mambawa pangantin, diulahakan awak wayah upacara bananagaan di Banua Halat, Tapin, wayah upacara Baayun Mulud, diparcaya di Hulu Sungai Selatan wan Hulu Sungai Tengah kalau banyu simburan naga ngitu kawa ma'ampihakan panyakit.
Wayah acara kawinan, naga dianggap gasan panulak bala, nang kawa manawarakan gangguan alam (angin puting baliung wan hujan labat) wan simbol harapan supaya mampalai pangantin kada mandapat halangan dalam kahidupan rumah tangga.
Kapala Naga Darat babak
Kapala Naga Darat adalah bentuk kapala naga nang diandak di kandaraan pangantin lakian nang diarak ampah pangantin binian. Kapala naga ngini tabuat matan kayu lawan hiasan barupa sisik, sulur daun, wan kambang.