Nebula Orion
Nebula Orion (dipinandui jua lawan ngaran Messier 42, M42, atawa NGC 1976) adalah sabuah nebula bauran nang ada di bima sakti, baandak di subalah salatan Pandéng Orion di konstelasi Orion.[b] Nebula ngini marupakan salah sabuting nebula paling tarang, wan kawa diitihi pakai mata talanjang di langit malam. Jaraknya 1,344 ± 20 tahun cahaya (0,412 ± 6,132 pc) jauhnya[5][6] wan nebula ngini jua marupakan wilayah ganal formasi bintang paling parak lawan bumi. Nebula M42 diparkira'akan jaraknya 24 tahun cahaya. Nebula ngini baisi massa 2000 kali lipat ganalnya pada Matahari. Naskah-naskah bahari rancak manyambat Nebula Orion lawan ngaran Nebula Ganal di Orion atawa Nebula Orion Ganal.
| Nebula | |
|---|---|
 Samunyaan Nebula Orion dalam gabungan gambar cahaya nang kawa talihat wan infrahabang; diambil oléh Teleskop Luar Angkasa Hubble pas tahun 2006 | |
| Data pengamatan: J2000 epos | |
| Subjenis | Refléksi/Émisi[2] |
| Asensio rekta | 05j 35m 17.3d[1] |
| Deklinasi | -05° 23′ 28″[1] |
| Jarak | 1,344±20 ly (412 pc) |
| Magnitudo semu (V) | +4,0[3] |
| Dimensi semu (V) | 65×60 arcmins[4] |
| Rasi bintang | Orion |
| Ciri-ciri fisik | |
| Jari-jari | 1.2[a] ly |
| Magnitudo mutlak (V) | — |
| Ciri penting | Gugus Trapesium |
| Sebutan | NGC 1976, M42, LBN 974, Sharpless 281 |
Nebula Orion marupakan objék di langit malam nang paling rancak ditaliti wan paling rancak di kodak, wan marupakan salah sabuting banda langit nang paling banyak dipalajari.[7] Nebula ngini sudah banyak bakontribusi dalam maungkapakan kaya apa proses bintang-bintang wan planet-planet tabantuk matan runtuhnya awan gas wan dabu. Buhan astronom sudah sacara langsung maobservasi cakram protoplanet wan kihit coklat nang ada dalam nebula, inténsitas wan garak bagulak matan gas, wan efek foto-ionisasi ganal bintang-bintang nang parak lawan nebula.
Karaktaristik Fisik
babak
Nebula Orion kawa diitihi pakai mata talanjang, biar diitihi di daérah nang kana polusi cahaya nebula ngini tatap kawa diitihi. Nebula Orion talihat nang kaya "bintang" di tangah "pedang" Orion, nang marupakan talu bintang nang baandak di salatan pandéng Orion. Bintang talihat kabur bagi buhan pangamat nang baisi mata nang hawas, wan nebulositasnya talihat jalas pas mamakai taroponh atawa téléskop halus. Kanyarakan puncak muka matan wilayah tangah adalah sakitar 17 Mag/arcsec2 (about 14 mili nits) wan nyarak kabiruan luarnya baisi kacarahan puncak parmukaan sakitar 21,3 Mag/arcsec2 (sakitar 0,27 milinits).<ref>Clark, Roger (March 28, 2004). "Surface Brightness of Deep Sky Objects". Diakses tanggal June 29, 2013..
Catatan Batis
babak- ^ a b "NGC 7538". SIMBAD. Centre de données astronomiques de Strasbourg. Diakses tanggal 20 Oktober 2006.
- ^ Gater, Will; Vamplew, Anton (2010). The Practical Astronomer (edisi ke-1st American). London: DK Pub. hlm. 242. ISBN 978-0-7566-7324-6.
- ^ "NGC 1976 = M42". SEDS.org. Diakses tanggal 13 Desember 2009.
- ^ Revised NGC Data for NGC 1976 per Wolfgang Steinicke's Revised New General Catalogue and Index Catalogue.
- ^
Reid, M. J.; et al. (2009). "Trigonometric Parallaxes of Massive Star Forming Regions: VI. Galactic Structure, Fundamental Parameters and Non-Circular Motions". Astrophysical Journal. 700 (1): 137–148. arXiv:0902.3913
. Bibcode:2009ApJ...700..137R. doi:10.1088/0004-637X/700/1/137.
- ^
Hirota, Tomoya; et al. (2007). "Distance to Orion KL Measured with VERA". Publications of the Astronomical Society of Japan. 59 (5): 897–903. arXiv:0705.3792 . Bibcode:2007PASJ...59..897H. doi:10.1093/pasj/59.5.897.
- ^ Press release, "Astronomers Spot The Great Orion Nebula's Successor Archived 2006-02-18 at the Wayback Machine", Harvard-Smithsonian Center for Astrophysics, 2006.
