Pasak bumi
Pasak bumi ngaran tumbuhan asli Indunisia, Malaysia, Thailand, Vietnam, Kamboja, Laos, wan Myanmar. Di Indunisia saurang, tumbuhan ngini kawa ditamui di Sumatera wan Kalimantan. Bila di Malaysia wan di Acéh, Indonesia, ngaran tumbuhan ngini adalah "Tongkat Ali" atawa "Akar Ali". Lain pada ngitu, ada jua ngaran-ngaran lain takait lawan pasak bumi, di antaranya "Widara Putih" di Jawa, "Bidara Laut" di Bangka, "Penawar Pahit" di Melayu, "Bulung Besan" di Karo, "Horis Kotala" di Simalungun, "Tengku Ali" di Toba, wan "Ampahan Ganjo" di Angkola-Mandailing.[1][2][3]
| ?Pasak Bumi | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Klasifikasi ilmiah | ||||||||||||||
| ||||||||||||||
| Ngaran binomial | ||||||||||||||
| Eurycoma longifolia L. |
Parawakan
babakAkar
babakAkar tanaman ngini baisi kalipak nang licin. Warna kalipaknya ada nang bawarna kuning kacuklatan, cuklat kahabangan, wan kacuklatan. Akar ngini sarat takananya lurus wan ada jua nang bagalumbang, lambut atawa kasar, wan rata. Kayu akar ngini mancilang, karas, wan takananya baisi bau nang khas bila kayunya basah.[4]
Batang
babakBatang ngini kawa baisi tinggi sampai kira-kira 10 mitir.[2] Batang ngini kada baisi cakang, nang mana bila baisi cakang kawa mambantuk payung nang malingkar. Kalipaknya licin wan bawarna cuklat kaabuan.[5] Kayu batangnya babantuk tabung, nang mana bantuk balain lawan kayu akar nang bantuknya mancuring.[6]
Daun
babakDaun tanaman ngini tamasuk daun majamuk manyirip nang baisi jumlah nang ganjil wan baisi panjang kira-kira 0,3-1 mitir. Daunnya baisi anak daun kira-kira 20-30 pasang. Tangkai daunnya bawarna cuklat kahirangan.[5] Daun ngini takumpul di hujung batang.[2]
Kambang
babakTanaman ngini baisi kambang nang baisi kambang laki wan kambang bini dalam satu tanaman, ada jua nang hanya baisi salah sabutingnya haja. Kambang ngini baisi warna habang jingga, libar kira-kira 0,6 santimitir, wan di hujungnya ada bulu lambut wan binculan kalanjar.[5] Kambang ngini basusun padat di tangkai nang bacikang wan kaluar matan pangkal daun. Kambang ngini baisi 5-6 kalupak nang halus.[2]
Buah
babakBuahnya tumbuh bakukumpulan, nang mana mahirip kaya tanaman kurma, walau ukurannya tahalus wan babantuk nang kaya hintalu.[5] Buah ngini baisi warna hijau wayah masih anum wan bawarna habang kadap wayah sudah tuha. Buah ngini baisi ukuran 1-2 santimitir.[2]
Lingkungan tumbuh
babakPasak bumi rancak tadapat di hutan, pantai, wan dataran nang andakannya di katingggian kira-kira 1.200 mitir di atas parmukaan banyu laut wan baisi kamiringan kira-kira 15%.[7] Pasak bumi kawa tumbuh di wilayah nang baisi suhu 23.5-34.0°C, kalambaban nisbi antara 85-98%,wan pH antara 4-6,4. Pasak bumi kawa tumbuh di tanah pudsulik habang-kuning sampai lampung bapasir, nang mana tanaman ngini kawa tumbuh di macam-macam tanah walaupun baisi hara nang sadikit.[8]
Kandungan wan manfaat
babakPasak bumi baisi kandungan zat urikumanol, urikumalaktun, kantin-6-satu alkaluid, 9-hidruksikantin-6-satu,14,15β-dihidruksiklainianun, komponen finul, tanin, kuanisui, dan tritirpinuid, wan antiuksidan.[8] Maraga ngitu, banyak urang mamakai pasak bumi sagan maningkatakan kasihatan fungsi kalamin, maningkatakan tanaga, manurunakan strés, mambantuk wan mangganli utut, maningkatakan gairah séksual, manurunakan kadar gula darah, manangati baktiri, manangati radang, wan manangati panaykit kankar, nang mana pasak bumi diulah dalam bantuk jamu, ubat kapsul, tih, kupi, wan lainnya.[9][10]
Jujuhutan
babak- ^ Gunawan, Didik (1999). Ramuan tradisional untuk keharmonisan suami istri (dalam bahasa Indonesia). Jakarta: Niaga Swadaya. hlm. 47–48. ISBN 978-979-489-491-0.
- ^ a b c d e Hidayat, Syamsul; Napitupulu, Rodame M. (2015). Kitab Tumbuhan Obat (dalam bahasa Indonesia). Jakarta: AGRIFLO. hlm. 304. ISBN 978-979-002-660-5.
- ^ Silalahi, Marina (2015-07-01). "Etnobotani pasak bumi (Eurycoma longifolia) pada etnis Batak, Sumatera Utara" (PDF). doi:10.13057/psnmbi/m010410.
- ^ Supartini, Supartini; Erwin, Erwin (2020-12-31). "Anatomi Kayu Dari Akar Dan Batang Tiga Jenis Pasak Bumi (Kuning, Merah Dan Hitam) Dari Katingan, Kalimantan Tengah". Jurnal Penelitian Ekosistem Dipterokarpa (dalam bahasa Indonesia). 6 (1): 25–32. doi:10.20886/jped.2020.6.1.25-32. ISSN 2460-5883.
- ^ a b c d Saras, Tresno (2022-10-17). 7 Herbal Ampuh Pendongkrak Stamina Pria (dalam bahasa Indonesia). Pesona Bahasa. hlm. 5–6.
- ^ Mandang, Yance I. (2007). "ANATOMI KAYU PASAK BUMI DAN BEBERAPA JENIS KAYU SUKU SIMAROUBACEAE". Jurnal Penelitian Hasil Hutan (dalam bahasa Indonesia). 25 (2): 119–136. doi:10.20886/jphh.2007.25.2.119-136. ISSN 2442-8957.
- ^ Hasibuan, Sapruddin; Suhesti, Eni; Insusanty, Enny (2016-07-13). "KAJIAN EKOLOGI PASAK BUMI (Eurycoma longifolia Jack) DAN PEMANFAATAN OLEH MASYARAKAT DI SEKITAR HUTAN LARANGAN ADAT RUMBIO, KABUPATEN KAMPAR PROVINSI RIAU". Wahana Forestra: Jurnal Kehutanan (dalam bahasa Inggris). 11 (2): 112–126. doi:10.31849/forestra.v11i2.152. ISSN 2548-608X.
- ^ a b Hidayati, Syafitri; Zuhud, Ervizal A.M; Adiyaksa, Ivan Khofian; Al Manar, Primadhika (2021). "Review: Etnotaksonomi dan bioekologi tumbuhan pasak bumi (Eurycoma longifolia Jack.)". Jurnal Pengelolaan Sumberdaya Alam dan Lingkungan (Journal of Natural Resources and Environmental Management). 11 (2): 177–188. doi:10.29244/jpsl.11.2. ISSN 2460-5824.
- ^ Anggraini, Ariska Puspita (2020-02-10). Sartika, Resa Eka Ayu Sartika, ed. "7 Manfaat Pasak Bumi, Bukan Hanya untuk Obat Kuat Halaman all". KOMPAS.com (dalam bahasa Indonesia). Diakses tanggal 2023-03-25.
- ^ Winarno, F. G. (2021-10-14). Pengetahuan, Kearifan Lokal, Pangan dan Kesehatan (dalam bahasa Indonesia). Jakarta: Gramedia Pustaka Utama. hlm. 66–70. ISBN 978-602-06-5742-4.