Sukhoi Superjet 100
Sukhoi Superjet 100 (Bahasa Rusia: Сухой Суперджет 100) adalah sabuah pasawat nang diulah wan dikambangakan ulih Sukhoi. Pasawat naya adalah salah sauting pasawat paling hanyar di Rusia wan pasawat panumpang Rusia panambayan nang dikambangakan imbah runtuhnya Uni Soviet[4] Pasawat naya dipakai gasan manggantiakan Tupolev Tu-134 wan Yakovlev Yak-42 paninggalan Soviet nang sudah tuha wan rancak kacalakaan. Di pasaran, Superjet 100 basaing lawan seri pasawat rigiunal Bombardier CRJ wan Embraer E-Jets lawan Antonov An-148. Pruyik Superjet 100 didukung sapanuhnya ulih pamarintah Rusia wan disambat sabagai salah sauting matan pruyik nasiunal nang tapanting.[5][6]. Sukhoi Superjet 100 panambayan banar tarabang di tahun 2011. Pamakai panambayannya adalah maskapai panarbangan nasiunal Armenia, Armavia, nang manukar 4 buting pasawat. Aeroflot, maskapai panarbangan nasiunal Rusia mamasan 50 buting pasawat nang 3 diantaranya sudah masuk dinas. Di Indunisia, pasawat naya sudah dipasan Kartika Airlins sabanyak 15 buting pasawat, wan Sky Aviation, jua mamasan sabanyak 15 buting pasawat.
| Superjet 100 | |
|---|---|
 | |
| Tipe | Pasawat panumpang ragiunal |
| Prudusin | Komsomolsk-on-Amur Aircraft Production Association |
| Parancang | Sukhoi Civil Aircraft (UAC) |
| Tarbang panambayan | 19 Mai 2008[1] |
| Diparkanalakan | 21 April 2011 lawan Armavia |
| Pamakai | Aeroflot[2] |
| Tahun pruduksi | 2007–wahini |
| Jumlah pruduksi | 6 prototipe + 6 serial (Des 2011) |
| Biaya prugram | US$1.4 miliar |
| Harga butingan | $23-25 juta[3] |
| Varian | . |
Pasawat naya mulai dipruduksi di tahun 2007. Sampai naya jumlah pruduksinya adalah 6 buting. Paracangnya dimulai tahun 2000 ulih Sukhoi lawan dukungan parusahaan kadirgantaraan Barat kaya Boeing sabagai kunsultan pruyik, Alenia Aeronautica sabatai partner strategis. Snecma sabagai risk-sharing partner, wan babagai parusahaan lainnya kaya Thales sabagai panyadia pakit avionik. Pasawat naya sudah disartipikasi layak tarbang ulih Kumiti Panarbangan Antarnagara.[7] di 3 Pibruari 2011 wan diharapakan sartipikasi Uni Irupa cagar badudi.
Kacalakaan
babakHari Rabu, 9 Mai 2012, sabuah pasawat Sukhoi Superjet 100]] nang numur panarbangannya RA36801, malakuakan panarbangan parcuntuhan atawa joyflight nang disalangaraakan ulih PT. Trimarga Rekatama. Pasawat naya tulah matan Bandar Udara Halim Perdanakusuma, Jakarta jam 14.12 WIB nang maangkut 45 urang.[8] Dalapan urang di antaranya adalah patugas pasawat urang Rusia. Panumpang lainnya matan midia massa wan utusan parusahaan di bidang panarbangan di Indunisia.
Kada lawas imbah nintu, pasawat naya mahilang matan layar radar di katinggian 1.900 mitir (6.200 batis) di kuurdinat 06° 43' 08" Lintang Salatan wan 106° 43' 15" Bujur Timur. Kuurdinat naya diparkiraakan di parak Cidahu Gunung Salak, Jawa Barat. [9] Tanggal 10 Mai 2012, hihimpilannya talihat di bidingan tabing di Gunung Salak. Ditangguh pasawat naya maranjah tabing batu di Gunung Salak nang dikira-kira kada ada kurban nang salamat.
Rujukan
babak- ^ "произвел свой первый полет (Sukhoi Superjet-100)." Вести.Ru. Retrieved: 3 January 2010.
- ^ "Aeroflot." rian.ru. Retrieved: 3 January 2010.
- ^ "Sukhoi Superjet systems can make up for any pilot mistake; UAC chief." Russia Today, 20 April 2011.
- ^ "Superjet-100 order book hikes by 50%." Russia Today, 16 June 2009.
- ^ Pyadushkin, Maxim. "Celebrating the 100th anniversary: The Sukhoi Superjet 100 makes its debut at Le Bourget." Russia & CIS Observer, Volume 2, Issue 25, 20 June 2009. Retrieved: 9 November 2010.
- ^ Pyadushkin, Maxim. "Right up there: Superjet 100 program needs more money to complete the certification." Russia & CIS Observer, Volume 4, Issue 27, 4 January 2009. Retrieved: 9 November 2010.
- ^ "Superjet Receives Initial Type Certificate"[permanent dead link] Aviation Week, 3 February 2010. Retrieved: 3 February 2011.
- ^ Artikel:"Agen Sukhoi Revisi Jumlah Korban Jadi 45 Orang" di Kompas.com
- ^ Artikel:"Puing Sukhoi Terlihat di Tebing Gunung Salak" di Kompas.com
Pranala luar
babak| Wikimedia Commons baisi tumbung pasal Sukhoi Superjet 100 |
- Sukhoi Superjet Official Website
- Sukhoi Superjet 100 unveils Pininfarina interior
- Sukhoi Company Archived 2006-07-16 at the Wayback Machine
- "The ceremony of unveiling the Sukhoi Superjet 100" video report from Russia Today Archived 2008-04-02 at the Wayback Machine
- Superjet 100 at United Aircraft Corporation Website
- Superjet to be tested for strength – RIA Novosti
- Russia's New Airliner Readies for Takeoff by Jason Bush, Business Week, 26 September 2007
- Photo of SSJ's first flight to civil airport Archived 2021-01-26 at the Wayback Machine
- Photo
