Tahun kabisat

Tahun kabisat (bahasa Inggris: Leap year) adalah tahun nang maalami panambahan sahari lawan tujuan gasan mampasakan pananggalan lawan tahun astrunumi.[1]

Dalam satahun kada sacara parsis tadiri matan 365 hari, tagal 365 hari 5 jam 48 manit 45,1814 datik. Amun hal ngini kada diharung, maka saban 4 tahun pacangan kakurangan hampir 1 hari (pasnya 23 jam 15 manit 0,7256 datik).

Maka sagan mangumpinsasi hal ngini, saban 4 tahun sakali (tahun nang kawa dibagi 4), dibari'i 1 hari tambahan: 29 Pibuari. Tagal marga 5 jam 48 manit 45,1814 datik kurang matan 6 jam, maka tahun-tahun nang kawa dibagi 100 (kaya tahun 1900), lain tahun kabisat, kacawali kawa dibagi lawan 400 (kaya tahun 2000).

AlgoritmaSunting

Tadapat algoritma nyaman sagan manantuakan apakah sabuting tahun tamasuk tahun kabisat atawa kada sabagai berikut:

  1. Amun angka tahun ngintu habis dibagi 400, maka tahun ngintu sudah pasti tahun kabisat.
  2. Amun angka tahun ngintu kada habis dibagi 400 tapi habis dibagi 100, maka tahun itu sudah pasti lain tahun kabisat.
  3. Amun angka tahun ngintu kada habis dibagi 400, kada habis dibagi 100 tapi habis dibagi 4, maka tahun itu marupakan tahun kabisat.
  4. Amun angka tahun kada habis dibagi 400, kada habis dibagi 100, wan kada habis dibagi 4, maka tahun tersebut bukan merupakan tahun kabisat.

Tahun Kabisat manurut definisi ini ada matan diluncurakannya almanak Gregorian (1582).

Pseudocode sagan manantuakan sabuting tahun marupakan tahun kabisat atawa lain:

if year modulo 4 is 0
then
if year modulo 100 is 0
then
if year modulo 400 is 0
then
is_leap_year
else
not_leap_year
else is_leap_year
else not_leap_year

atawa

if year is divisible by 400 then is_leap_year
else if year is divisible by 100 then not_leap_year
else if year is divisible by 4 then is_leap_year
else not_leap_year

Almanak Tionghoa wan YahudiSunting

Almanak Tionghoa wan Yahudi mamakai 19 tahun sagan 7 bulan dalam 19 matahari.

Bulan Tahun Salisih tahun
0 0 0
1 3 3
2 6 3
3 8 2
4 11 3
5 14 3
6 17 3
7 19 2

Dalam tahun kabisat almanak Tionghoa manambah 1 bulan (30 hari) nang disambat Lun sadangkan Yahudi 1 bulan (30 hari) pada tahun Adar.

Almanak HijriyahSunting

Almanak Hijriyah mamakai dasar revolusi bulan tahadap matahari. Bulan berevolusi salawas 29,5 hari sama lawan lawas bulan berotasi.

Lawasnya waktu revolusi bulan tahadap bumi 29,5 hari dibulatakan jadi 29 dan 30 hari. Sahingga dalam sa bulan dalam almanak hijriah ada 29 atawa 30 hari.

Salain berevolusi mangalilingi bumi, bulan jua mangitari matahari basama-an lawan Bumi.

Dalam 29,5 hari atawa 1 bulan berevolusi mangalilingi bumi wayah itu posisi Bumi jua berevolusi tahadap matahari salawas 29,5 hari atawa kita sambat 1 bulan. Sahingga lawas waktu bulan mangalilingi Matahari adalah 12 bulan atawa 29,5 hari kali 12 = 354 hari.

Sadangkan pada tahun kabisat jumlah dalam 1 tahun dalam almanak hijriah adalah 355 hari. Panambahan hari pada tanggal 30 Dzulhijjah.

Bulan Tahun Salisih tahun
0 0 0
1 2 2
2 5 3
3 8 3
4 10 2
5 13 3
6 16 3
7 18 2
8 21 3
9 24 3
10 26 2
11 29 3

Dalam tahun kabisat kalender Hijriyah manambah 1 hari (30 hari) pada bulan Julhijjah.

Itihi juaSunting

ReferensiSunting

  1. ^ Meeus, Jean (1998), Astronomical Algorithims, Willmann-Bell, hlm. 62